Ne takimin e radhes, sot me 12 Qershor 2003, te zhvilluar prane Institucionit te Avokatit te Popullit, perfaqesuesi i Qeverise, Ministri i Shtetit, z. Blendi Klosi diskutoi ne takime te veçanta me perfaqesuesit e shoqatave, respektivisht, zoterinjte Kurt Kola, Eqerem Kavaja, Adem Allçi dhe Besim Ndregjoni. I pranishem ne bisedime ishte edhe Drejtori i Institutit te Integrimit te ish te Perndjekurve Politike, z. Simon Miraka.

Duke iu referuar kerkeses se Kryeministrit Nano, per interpretim nga ana e Gjykates Kushtetuese te pajtueshmerise se nenit 44 te Kushtetutes me nenin 57 te Kodit Penal te Republikes se Shqiperise, Z. Klosi tha se “kjo kerkese u be pas sugjerimit te disa perfaqesuesve te shoqatave, dhe qe ne kete menyre te gjendet nje baze juridike e qarte per nje zgjidhje afatgjate, me qellim qe te mos atakohej me vone nga asnje qeveri tjeter pasardhese”.

Ministri Klosi kerkoi qe shoqatat te dergojne ekspertet e tyre prane grupeve te punes, te ngritura me urdher te Kryeministrit, qe po merren me modalitetet paraprake per trajtimin e kerkesave te te vuajturve nen sundimin e shtetit komunist.

Perfaqesuesit e Shoqatave te ish te Perndjekurve Politike shprehen rezervat e tyre lidhur me kerkesen e Kryeministrit dhe kohen qe do te kerkojne keto procedura. Nderkaq, ne pritje edhe te zhvillimeve te metejshme, jo te gjithe u shprehen te gatshem per te derguar prane grupeve te punes, edhe ekspertet e tyre.