Tiranë, më 11/07/2005

Te Veme nen Kontroll Tarifat e Sherbimit Publik te Telefonise

- Avokati i Popullit takon Drejtorin Ekzekutiv te 

Entit Rregullator te Telekomunikacionit -

Avokati i Popullit, z. Ermir Dobjani thirri sot ne nje takim ne zyren e tij Drejtorin e Entit Rregullator te Telekomunikacionit, z. Dule Dervishi, te cilit i ofroi bashkepunimin e Institucionit te tij per te vene nen kontrollin ligjor tarifat e telefonise, sidomos asaj mobile ne Shqiperi.

Avokati i Popullit i kerkoi Drejtorit te Entit Rregullator te Telekomunikacionit (ERRT) informacion mbi stadin e deritanishem te procedurave per miratimin e metodologjise se percaktimit te kostos dhe tarifave per operatoret qe ushtrojne veprimtari ne fushen e telefonise celulare ne Shqiperi. Mungesa e kesaj metodologjie eshte nje nga shkaqet qe operatoret mobile t’i jene shmangur kontrollit mbi tarifat, te cilat dihet qe jane teper ne disfavor te konsumatorit shqiptar, si pasoje e fenomenit te “duopolit” dhe mungeses se konkurrences se ndershme ne treg.

Drejtori i Entit Rregullator te Telekomunikacionit, z. Dervishi, nder te tjera, e njohu z. Dobjani me nevojen e rregullimit te legjislacionit vendas per tre fushat, qe jane vete ERRT, Autoriteti i Konkurrences si dhe Ligji per te Drejtat e Konsumatorit, bashkerendimi i te cilave do t’i mbylle rrugen gjithe abuzimeve te konstatuara.

Takimi i sotem eshte ne ndjekje te punes qe Avokati i Popullit ka nisur prej kohesh per mbrojtjen e te drejtave te konsumatoreve, me qellim uljen e tarifave te sherbimeve te telefonise.

Ne takim u ra dakort per ndermarrjen e hapave te duhur ligjore ne kete drejtim si dhe per bashkepunimin me te mire te ketyre dy institucioneve per rritjen e cilesise se sherbimeve publike ne fushen e telefonise.

Zëdhënësi i Avokatit të Popullit