Tiranë, më 10/12/2009

AVOKATIT TË POPULLIT I JEPET URDHËRI “NËNË TEREZA” ME RASTIN E 10-VJETORIT TË KRIJIMIT TE TIJ

- Konferencë Ndërkombëtare nën kujdesin e Presidentit të Republikës -

Sot, me 10 Dhjetor 2009, nen kujdesin e Presidentit te Republikes, Z. Bamir Topi, Institucioni i Avokati i Popullit organizoi Konferencen Nderkombetare me teme “Te Drejtat e Njeriut, Mireqeverisja dhe Performanca e Ombudsmanit”.

Kjo konference u organizua me rastin e 10 vjetorit te krijimit te ketij Institucioni ne vendin tone, i cili perkon edhe me 61 vjetorin e Deklarates Universale te Kombeve te Bashkuara per te Drejtat e Njeriut miratuar nga OKB më 10 dhjetor 1948.

Krahas Avokatit te Popullit, z. Ermir Dobjani, ne kete aktivitet moren pjese personalitete te larta nga vendi dhe bota, si Presidenti i Republikes, Z. Bamir Topi, Nenkryetari i Kuvendit, z.Ardian Turku, Ministri i Shtetit, z.Genc Pollo, perfaqesues te larte nga Gjyqesori, Prokuroria, ambasadore si dhe rreth 20 Ombudsmane nga bota.

Me rastin e ketij pervjetori, Presidenti i Republikes, duke vleresuar profesionalizmin, pavaresine dhe paanshmerine e Avokatit te Popullit nder vite, i akordoi ketij Institucioni Urdherin “Nene Tereza”.

Qysh ne fillim te fjales se tij, Avokati i Popullit, z. Ermir Dobjani solli ne kujtesen e te pranishmeve vitin 1999, kur Kuvendi i Shqipërisë aprovoi ligjin për Avokatin e Popullit.

Ne fjalen e tij, z. Dobjani theksoi edhe nje here parimet ku bazohet veprimtaria e ketij Institucioni, qe janë paanësia politike, konfidencialiteti, profesionalizmi dhe pavarësia nga tre pushtetet, parime të cilat janë zbatuar gjatë ushtrimit të veprimtarisë tonë në mbrojtje të të drejtave dhe lirive themelore të njeriut, përfshirë edhe qeverisjen e mirë.

“Thelbi i filozofisë së funksionimit të Avokatit të Popullit në Shqipëri eshte se ky institucion nuk ka qenë, nuk është dhe nuk do të jetë asnjëherë Opozitë kundër Qeverisë, pavarësisht se cilat forca politike do të kenë pushtetin, por do të jetë gjithmonë një Oponencë për Mirëqeverisje”, tha ne fjalen e tij Dobjani, duke shtuar se “për këtë filozofi jemi mirëkuptuar nga të gjithë palët që bëjnë politikën në Shqipëri dhe gjej rastin që për këtë mirëkuptim t’i falenderoj publikisht në emër të institucionit”.

Institucioni i Avokati i Popullit vjen në 10-vjetorin e krijimit të tij me një status të trefishtë: si Zyre Ombudsmani, si Institucion Kombetar per Promovimin dhe Mbrojtjen e te Drejtave te Njeriut dhe si Mekanizem Kombetar per Parandalimin e Tortures.

Ne kete aktivitet folen edhe Presidenti i Republikes, z. Bamir Topi, Nenkryetari i Kuvendit, z. Ardian Turku, Ministri i Shtetit, z. Genc Pollo, Ambasadori Amerikan, John Withers II, Kreu i Prezences se OSBE-se, Ambasadori Bosch si dhe te ftuar te tjere nga vendi dhe bota. Paneli i pasdites iu kushtua kontributit te OJF-ve me te spikatura ne fushen e mbrojtjes se te drejtave te njeriut.

Krahas fjaleve dhe kontributeve te te pranishmeve, ne Konference u paraqiten edhe prodhime te reja te Zyres se Avokatit te Popullit, nje dokumentar i posaçem me rastin e 10-vjetorit, botimi ne anglisht i librit te z. Dobjani “Mos hezito te trokasesh ne deren e Avokatit te Popullit” si dhe nje broshure tjeter ne shqip dhe anglisht, qe pasqyron veprimtarine dhe menyren e funksionimit te ketij Institucioni qe nga koha e krijimit te tij 10 vjet me pare.

Zëdhënësi i Avokatit të Popullit