Tiranë, më 09/06/2010

Roli i Mekanizmave Kombetare ne Parandalimin e Tortures dhe te Keqtrajtimeve nga Policia

- Seminar nderkombetar i Avokatit te Popullit dhe Keshillit te Evropes -

Sot, më 9 Qershor 2010, Keshilli i Evropes dhe Zyra e Avokatit te Popullit bashkeorganizuan seminarin nderkombetar me teme “Roli i Mekanizmave Kombetare te Parandalimit te Tortures ne parandalimin e keqtrajtimeve nga Policia”.

Ne kete seminar moren pjese Drejtuesi i Departamentit per Mbeshtetjen Ligjore dhe te Drejtat e Njeriut prane Sekretariatit te Pergjithshem te Keshillit te Evropes, z. Markus Jaeger,  Avokati i Popullit ne Detyre, z. Riza Poda, Zevendesministri i Brendshem, z. Avenir Kika si dhe perfaqesues nga 22 vende evropiane, te cilat tashme, sikurse Shqiperia, kane ngritur ne vendet respektive nje mekanizem te tille.

Seminari ne fjale eshte pjese e aktiviteteve zinxhir ne kuadrin e projektit te partneritetit “Peer-to-Peer”, qe Keshilli i Evropes organizon me zyrat e Ombusdsmanit, disa nga te cilat funksionojne edhe si Mekanizma Kombetare per Parandalimin e Tortures (MKPT).

Ne emer te Qeverise Shqiptare, Zevendesministri i Brendshem, z. Kika beri nje paraqitje mbi angazhimin e Qeverise Shqiptare per parandalimin e rasteve te keqtrajtimeve nga ana e Policise se Shtetit.

Avokati i Popullit ne detyre foli per arritjet e institucionit qe perfaqeson, i cili ka mese dy vjet qe ushtron edhe detyren e Mekanizmit Kombetar per Parandalimin e Tortures (MKPT), ne zbatim te angazhimeve nderkombetare qe vendi yne ka ndermarre ne kuader te Protokollit Opsional te Konventes kunder Tortures (OPCAT) se OKB-se.

Me tej vijuan diskutimet dhe komentet e te pranishmeve, te cilet nen drejtimin e perfaqesuesit te Keshillit te Evropes, z. Markus Jaeger theksuan rolin dhe metodologjine qe duhet ndjekur ne nivel lokal dhe evropian, per te garantuar profesionalizem dhe njekohesisht respektimin e te drejtave te njeriut, ne rastin konkret te personave te privuar nga liria.

Ne ndihme te fuqizimit te rolit parandalues te ketyre strukturave, te cilat kane gjetur shume perhapje kohet e fundit ne Europe, Keshilli i Europes ka vene ne zbatim nje projekt te veçante i quajtur “Peer to Peer” i cili ka per qellim te ofroje eksperience dhe asistence te vazhdueshme si per zyrat e Ombudsmaneve ne pergjithesi, ashtu dhe per MKPT ne veçanti. Ky projekt financohet nga Komisioni Europian dhe parashikon organizimin e disa aktiviteteve rajonalë ne shtete te ndryshme.

Zëdhënësi i Avokatit të Popullit