Tiranë, më 07/12/2005

Avokati i Popullit në Kongresin e 4-të të Shoqatës së Mediatorëve dhe Ombudsmanëve të Frankofonisë

          Avokati i Popullit, z. Ermir Dobjani mori pjese ne Kongresin e 4-të të Shoqatës së Ombudsmanëve dhe Mediatorëve të Frankofonisë, organizuar nga 28-30 Nëntor 2005 në Paris, nën kujdesin e Mediatorit të Republikës Franceze Z. Jean-Paul Delevoye si dhe Mediatores së qytetit të Parisit zj. Frederique Calandra.

Në këtë aktivitet ndërkombëtar morën pjesë më shumë se 40 delegacione nga 32 vende të Botës si dhe ishin të ftuar personalitete të shquara franceze dhe të huaj të fushës së jurisprudencës, ekonomisë dhe të drejtave të njeriut.

          Gjatë punimeve të këtij kongresi u trajtuan çështje lidhur me kontributin e Shoqatës së Ombudsmanëve dhe Mediatorëve të Frankofonisë (AOMF) në ndërtimin e një sistemi frankofon ne rang global, të aftë për të promovuar të drejtat e njeriut dhe dialogun mes kulturave.

Tema qe ngjallën debatin e pjesëmarrësve ishin edhe nevojat e reja të mediacionit kundrejt ndryshimeve që karakterizojnë aktualisht shoqëritë tona si dhe tematika lidhur me rolin përcaktues të Ombudsmanit në raport me pushtetin ekzekutiv, legjislativ, gjyqësor dhe atë ekonomik.

Institucioni i Avokatit të Popullit është anëtar votues i kësaj shoqate qysh nga viti 2000.

Ne perfundim te tij, Kongresi zgjodhi organet drejtuese te Shoqates per nje periudhe dyvjeçare.

Zëdhënësi i Avokatit të Popullit