Tiranë, më 07/11/2006

Hapet Zyra e Avokatit te Popullit ne Shkoder

Avokati i Popullit hapi sot në qytetin e Shkodrës, Zyren rajonale te ketij institucioni, e vendosur në godinën e prefekturës.

Në ceremoninë e organizuar me këtë rast ishte i pranishëm Avokati i Popullit, Ermir Dobjani, Kryetari i Bashkisë, Artan Haxhi, Kryetari i Këshillit të Qarkut, Lorenc Luka, si dhe drejtues të pushtetit vendor.

Pas prerjes së shiritit, z. Dobjani tha se "hapja e kësaj zyre në Shkodër ka për qëllim të njohë më nga afër gjendjen, për të evidentuar të gjitha rastet dhe nga ana tjetër për të mundësuar direkt kontaktin dhe ndërmjetësimin me autoritetet përkatëse të institucioneve të ndryshme në adresë, të cilave drejtohen ankesat".

Një prej çështjeve kryesore, që do të trajtojë kjo zyrë e hapur sot në Shkodër, është dhe ajo e gjakmarrjes, e cila ka detyruar fëmijët të qëndrojnë të ngujuar në shtëpi pa gëzuar të drejtat, si të gjithë fëmijët e tjerë. "Për problemin e gjakmarrjes, është miratuar edhe një ligj, është krijuar edhe një komitet, i cili kryesohet nga Presidenti dhe me pjesëmarrjen e Zëvendëskryeministrit dhe të disa ministrave, por për fat të keq ky ligj ka mbetur akoma në letër, dhe për këtë strukturat tona do të bëjnë punën e tyre për ta vënë në funksionim", ka vijuar Dobjani.

Ankesat dhe kërkesat për të kontaktuar me Zyrën e Avokatit të Popullit në Tiranë kanë qenë një nga arsyet e përshpejtimit të hapjes së kësaj zyre për Qarkun e Shkodrës.

Nje Zyre e tille do te hapet se shpejti edhe ne Qytetin e Korçes, pjese e nje projekti te hershem te Avokatit te Popullit per krijimin e zyrave rajonale.

Zëdhënësi i Avokatit të Popullit