Tiranë, më 07/06/2005

Shkembim Pervoje per te Forcuar Institucionet 

- Avokati i Popullit beri nje vizite zyrtare ne Poloni -

          Avokati i Popullit, z. Ermir Dobjani beri nje vizite zyrtare ne Poloni, nga 31 Maj deri me 2 Qershor 2005, ne kthim te vizites zyrtare qe Ombudsmani i Republikes se Polonise, z. Andrzej Zoll beri ne Tirane vitin e kaluar.

          “Bashkepunimit me Zyren e Ombudsmanit Polak, ne i kushtojme rendesi te madhe, pasi kjo Zyre eshte nder me te mirat ne Evropen Lindore dhe Qendrore, sikunder padyshim ka ligjin me te forte per funksionimin e nje Zyre te Avokatit te Popullit”, u shpreh Avokati i Popullit z. Dobjani ne takimin me Ombudsmanin Polak. “Nje ligj, drejt parametrave te te cilit synojme te shkojme edhe ne”, vijoi me tej z. Dobjani.

Perpos kthimit te vizites, bisedimet e dy homologeve u perqendruan ne rritjen e bashkepunimit dhe shkembimit te pervojave midis dy zyrave, me interesim te veçante rritjen e efikasitetit te Institucionit te Avokatit te Popullit ne Shqiperi.

Avokati i Popullit e njohu mikpritesin, z. Zoll me nderhyrjet e fundit te zyres se tij dhe, konkretisht me thirrjen e tij publike per “mosangazhimin e femijeve ne aktivitetet politike gjate fushatave elektorale”, duke kerkuar me kete rast nje koment edhe nga z. Zoll. “Kjo gje as qe mund te mendohet ne Poloni”, u shpreh ne bisede z. Zoll.

          Vizites zyrtare te Avokatit te Popullit, z. Dobjani, i ka paraprire nje vizite studimore e nje grupi ekspertesh shqiptare prane Zyres se Ombudsmanit Polak, ne Shkurt 2005.

          Pasi ka marre vleresimet me te mira nga ana e Ombudsmanit Polak per perkushtimin e eksperteve shqiptare ne permbushjen me sukses te vizites studimore ne Poloni, Avokati i Popullit, z. Dobjani eshte shprehur per rritjen e ketij bashkepunimi edhe ne te ardhmen. Keshtu, te dy bashkebiseduesit rane dakort qe ekspertet e nenseksionit per te drejtat e femijeve te kryejne ne te ardhmen nje vizite studimore ne Poloni. Gjithashtu, u ra dakort qe te konsiderohet pervoja e Ombudsmanit Polak ne marredheniet e tij me pushtetin gjyqesor.

          Gjate vizites ne Poloni, Avokati i Popullit eshte pritur dhe ka zhvilluar takime te veçanta edhe me Kryetarin e Gjykates se Larte te Polonise, z. Lech Gardocki, me Zevendeskryetarin e Gjykates Kushtetuese, z. Andrzej Maczynski, me Prefektin e Silezise se Ulet, z. Stanislav Lopatovski si dhe me Rektorin e Universitetit te Vroclavit, Prof. Dr. Zdzislav Latajka.

          Zyra e Ombudsmanit te Republikes se Polonise eshte themeluar qe ne vitin 1989, pra nje vit para permbysjes se sistemit komunist ne Poloni.

Zëdhënësi i Avokatit të Popullit