Tiranë, më 07/03/2005

Avokati i Popullit, Ermir Dobjani i Dorezon Kryeministrit Fatos Nano dhe më pas paraqet ne Parlament Raportin Vjetor per Vitin 2004

Avokati i Popullit, Ermir Dobjani i dorezoi sot pasdite Kryeministrit Fatos Nano, dhe më pas paraqiti në Parlament Raportin Vjetor per veprimtarine e Avokatit te Popullit gjate vitit 2004.

            Në fillim të takimit, z.Nano i ka shprehur z.Dobjani urimet për rizgjedhjen konsensuale nga Kuvendi i Shqipërisë në këtë detyrë.

Z. Dobjani vlerësoi frymën e bashkëpunimit institucional midis dy institucioneve, në funksion të  zbatimit dhe respektimin të ligjit.

Kryeministri Nano është shprehur se angazhimi i qeverisë ka qenë dhe vazhdon të jetë maksimal për respektimin dhe zbatimin e ligjit, funksionimin e administratës publike dhe institucioneve demokratike në vend. Z. Nano tha se edhe në të ardhmen, "do të insistoj, në përmbushje të plotë të detyrimeve kushtetuese dhe ligjore, për të ushtruar presionin e duhur që administrata publike të jetë sa më transparente dhe në shërbim të qytetarit".

Zoti Dobjani, duke rikonfirmuar vullnetin e tij në kryerjen e misionit kushtetues të institucionit të Avokatit të Popullit edhe në mandatin e dytë, ka falenderuar z. Nano për mbështetjen e vazhdueshme që ka dhënë në përmbushjen e detyrës dhe veprimtarisë së këtij institucioni të ri dhe të rëndësishëm për shtetin demokratik.

           Pas këtij takimi, Avokati i Popullit paraqiti para Parlamentit Raportin Vjetor të Institucionit për vitin 2004.

Zëdhënësi i Avokatit të Popullit