Tiranë, më 06/01/2010

Avokati i Popullit priti Perfaqesuesit e Greves se Urise te ish te Perndjekurve Politike

Avokati i Popullit, z. Ermir Dobjani, priti sot, me kerkese te tyre nje perfaqesi te Greves se Urise te te ish perndjekurve politike, kryesuar nga z. Xhaferr Agaraj.

“Ju shprehim falenderimin tone per nderhyrjen e Institucionit qe drejtoni, pasi Rekomandimi juaj, drejtuar Qeverise qysh me daten 23 Dhjetor 2009, ka qene thelbesor per nderprerjen e greves tone prej 64 ditesh”, u shpreh ne takim, z. Agaraj.

“Ndjekja e problemeve te te ish perndekurve politike ka qene nje prioritet per Institucionin e Avokatit te Popullit”, u shpreh z. Dobjani. “Une me kete rast pershendes vendimin e Qeverise shqiptare te dates 29 Dhjetor 2009, per demshperblimin e menjehershem te ish te perndjekurve qe jane gjalle, dhe bashke me ekspertet e zyres time, do te kerkoj ne vazhdimesi zbatimin e te drejtave tuaja nga te gjitha hallkat e shtetit, te perfshira ne kete çeshtje”, vijoi Avokati i Popullit.

Gjate takimit, perfaqesuesit e Greves se Urise ngriten ne parim problemin qe edhe 18 vjet pas fitimit te pafajesise, çeshtja e demshperblimit dhe rehabilitimit te ish te perndjekurve politike, ka mbetur e pazgjidhur plotesisht. Duke njohur perpjekjet e qeverive te radhes ne Shqiperi per ta trajtuar problemin e ish te perndjekurve politike, bashkebiseduesit theksuan faktin se, pavaresisht ligjeve te miratuara, zbatimi i tyre ka zvarritje.

Pasi kane shprehur nje fare kriticizmi per angazhimin jo efektiv te shoqatave tashme te njohura te ish te perndjekurve politike, perfaqesuesit e Greves se Urise ngriten nje sere problemesh qe kane te bejne me barazine para ligjit. Ata pretenduan per diskriminim lidhur me perllogatitjen e diteve te burgut dhe ato te hetuesise, duke kerkuar me kete rast respektimin e raportit “nje dite hetuesi e barabarte me nje dite e gjysem burg”. Ata, gjithashtu kerkuan qe vlera e shtepive te perfituara para vitit 2000, te mos llogariten me çmimin e sotem; venien ne perdorim te letrave me vlere, me vleren e tyre reale dhe jo ate te tregut te sotem; kritikuan formulen e perllogaritjes se demshperblimit per denimet e perziera; kerkuan perfshirjen edhe te vejushave te vetmuara apo jetimeve, pasardhes te ish te perndjekurve politike, ne listat prioritare te Qeverise, si dhe ndjekjen e problemeve te tjera te kesaj natyre.

Perfaqesuesit e Greves se Urise shprehen verejtje per transparencen e sektorit perkates, te ngritur prane Ministrise se Drejtesise, duke i cilesuar abuzive rastet e shkeljes se radhes ne procesin e hartimit te listave te demshperblimit, si nga Ministria e Drejtesise, ashtu edhe nga ajo e Financave.

Nga ana e tij, Avokati i Popullit u shpreh se zgjidhja e ketyre problemeve kerkon nje mirekuptim te te gjitha paleve, e ne radhe te pare midis dy forcave kryesore politike ne vend si dhe forcimin financiar te shtetit. “Vetem keshtu mund te sigurohet nje zgjidhje afatgjate e problemeve qe ju keni ngritur dhe ngrini tashme prej 18 vjetesh”, tha Dobjani.

Ne fund te takimit, Avokati i Popullit, z. Dobjani i falenderoi edhe nje here bashkebiseduesit per fjalet ne adrese te Institucionit te tij, dhe njekohesisht shprehu angazhimin e tij per t’i ndjekur problemet e tyre, rast pas rasti deri ne fund. Te dyja palet u shprehen te hapura per bashkepunim te metejshem.

Zëdhënësi i Avokatit të Popullit