Ne kuadrin e konsultave per sigurimin e nje vullneti politik sa me te gjere, si garanci per arritjen e nje zgjidhjeje sa me gjithperfshirese e te qendrushme te problemit te demshperblimit te ish te perndjekurve politike, Avokati i Popullit Ermir Dobjani, ne vijim te takimit me daten 3 Qershor 2003 me liderin e Opozites, z. Sali Berisha, priti sot perfaqesuesit e ngarkuar, z. Pjeter Arbnori dhe z. Spartak Ngjela.

          Avokati i Popullit i njohu bashkebiseduesit me fazen e deritanishme te procesit te negociatave, te cilat ai po ndermjeteson mes perfaqesuesve te shoqatave dhe Qeverise. Duke vene ne dukje vullnetin e shprehur institucional dhe personal te Kryeministrit Nano per venien ne rrugen e zgjidhjes perfundimtare te problemit te ish te perndjekurve politike, Avokati i Popullit i ftoi perfaqesuesit e opozites te japin kontributin e tyre ne kete proces bashkepunimi, rezultati final i te cilit nuk mund te jete çeshtje dhe barre vetem per qeverine, por per te gjitha forcat politike dhe ekonomine e vendit.

Z. Pjeter Arbnori dhe Spartak Ngjela shprehen gadishmerine e tyre te plote per t’u angazhuar si ne nivel politik, ashtu edhe ekspertesh, per zgjidhjen e ketij problemi, duke shprehur shqetesimin e tyre qe i gjithe ky proces i nisur te jete serioz dhe te gjendet zgjidhje perfundimtare.

  “Eshte e rendesishme qe te perndjekurve t’u njihet borxhi dhe, pas kesaj, te percaktohet edhe mekanizmi per trajtimin e tij si dhe formula per shlyerjen e fatures se ketij borxhi”, u shpreh z. Ngjela, i cili tha se opozita tashme e ka kete skeme, por eshte e gatshme te negocioje me qeverine dhe shoqatat e te perndjekurve, me ndermjetesimin e Avokatit te Popullit”.

Duke iu referuar nevojes se kalimit eventual te ligjit perkates ne parlament, bashkebiseduesit u pajtuan me mendimin se ky ligj lipset te kaloje me konsensus.

Pasi e falenderuan per angazhimin ne negociatat per zgjidhjen e ketij problemi te ndjeshem, perfaqesuesit e opozites shprehen gadishmerine e tyre per te bashkepunuar ne te ardhmen.