Tiranë, më 05/05/2007

Policia e Burgut te Burrelit ka Reaguar ne Mënyre Joproporcionale, duke Tejkaluar Kufijte e Forces se Lejuar

          Per shkak te ankesave te paraqitura nga disa te burgosur dhe njoftimeve te vazhdueshme nga organet e shtypit, ne zbatim te detyrimeve ligjore, Avokati i Popullit ka marre ne shqyrtim se fundi çeshtjen e te drejtave dhe te trajtimit te te denuarve ne Burgun e Burrelit .

          Per verifikimin dhe trajtimin e plote te kesaj çeshtjeje, Avokati i Popullit organizoi nje inspektim te hollesishem ne Burgun e Burrelit ne datat 29-30 Prill 2008. Gjate ketij inspektimi jane marre ne takim te gjithe te burgosurit dhe eshte diskutuar konkretisht per problemet qe ata kane ngritur. Njekohesisht eshte marre takim me Drejtorin e Burgut Burrel, z. Beqir Metani dhe jane marre nje sere dokumentash per hetimin e plote te situates.

          Nga nje analize e hollesishme e te gjithe dokumentacionit zyrtar, deshmive te te burgosurve dhe shpjegimeve te dhena nga administrata e Burgut Burrel, Avokati i Popullit ka arritur ne nje sere perfundimesh te cilat po jua paraqesim si vijon:

1. Ne Burgun e Burrelit, pas tentatives per arratisje te dy te denuarve ka nje tensionim te situates ne trajtimin e te denuarve, i cili ka provokuar nje sere ngjarjesh ne dem te te drejtave te tyre.

2. Policia e Burgut te Burrelit, ne bashkepunim me forcat e Policise se Drejtorise se Pergjithshme te Burgjeve ka iniciuar nje rregjim kontrollesh te shpeshta mbi dhomat e burgut, ku jane konstatuar akte te dhunshme te pajustifikuara ndaj te burgosurve. Punonjesve te Policise se Burgjeve u ka munguar etika profesionale dhe ata shpesh kane provokuar te burgosurit me akte dhe veprime te dhunshme duke tejkaluar detyrat e tyre funksionale.

3. Punonjesit e Policise se Burgjeve kane tejkaluar detyrat e tyre per kryerjen e apelit te te burgosurve konform Rregullores se Pergjithshme te Burgjeve, duke kryer veprime te pajustifikuara dhe fyese ndaj te burgosurve. Ata shpesh kane gabuar dhe keqkuptuar me qellim detyrat e tyre per kryerjen e kontrolleve me ate te apeleve. 

4. Te burgosurit nuk jane lene per asnje çast nga Policia e Burgut Burrel te komunikojne me Avokatin e Popullit, megjithese per ta ekziston nje numer pa pagese.

5. Veprime te tilla, ne kundershtim me legjislacionin ne fuqi, kane qene edhe aktet e shpeshta te dhunes te kryera nga Policia e Burgjeve ne Burgun e Burrelit, te cilat pas arratisjes se dy te burgosurve jane intensifikuar, duke u bere mjaft shqetesuese. Kjo ka sjelle edhe nje sere protestash, grevash urie dhe akte te tjera demostrative nga ana e te burgosurve, te cilet kane kundershtuar klimen e rende te krijuar ne marredhenie me administraten e Burgut Burrel.

6. Avokati i Popullit ka dyshime te bazuara se ushtrimi i dhunes fizike ndaj te burgosurve, H.L, E.R dhe G.U eshte bere duke interpretuar me dashakeqesi termin “forcerisht” me akte të tjera çnjerëzore dhe degraduese nga ana e Policise se Burgut Burrel dhe forcave te tjera mbeshtetese nga Tirana.

Kryerja forcerisht e detyrave eshte nje e drejte e Policise se Burgjeve ne zbatim te rregullores per raste te mosbindjes, por me kete kompetence eshte abuzuar, duke ushtruar dhune fizike deri ne “gjakosje”, “terheqje zvarre neper korridoret e burgut”, “goditje ndaj personave te moshuar”, (N.C 80 Vjeç) etj.

7. Nga dokumentacioni i paraqitur nga Drejtoria e Burgut Burrel dhe fotografimet e bera, rezulton se ndaj te burgosurve H.L dhe G.U eshte ushtruar dhune fizike me pasoje demtime te tyre ne koke dhe ne trup. Ne kete rast keta dy te denuar jane veçuar ne dhomat e izolimit te burgut pa nje vendim komisioni disiplinor, ç’ka perben veprim flagrant ne dem te te drejtave te tyre.

8. Drejtoria e Burgut Burrel i ka çuar per ndjekje penale keta dy te burgosur, duke i akuzuar se “kane kundershtuar me force” Policine e Burgjeve. Megjithese kjo çeshtje eshte ne hetim nga Prokuroria e Rrethit Burrel, nga ana e tyre nuk eshte mundesuar qe te merren edhe kallzimet e te denuarve per dhunen qe eshte ushtruar ndaj tyre.

9. Policia e Burgut Burrel kryen mjaft zhurme gjate nates, duke thirrur, mbushur armet, kercenuar te burgosurit dhe duke i lene ata pa gjume ne kushtet e nje terrori psikologjik, i cili ka sjelle nje shqetesim te madh gjate ketyre diteve tek keta te fundit.

10. Policia e Burgut Burrel i ka te gjitha mundesite teknike dhe njerezore per te kryer kontrolle periodike per gjetjen e objekteve qe mund te kercenojne sigurine e burgut. Por ne asnje rast te burgosurit nuk duhet te ndihen te ndeshkuar kolektivisht, per shkak se mund te dyshohet se disa prej tyre kane qellime per arratisje.

Eshte detyra e Drejtorise se Pergjithshme te Burgjeve dhe e Burgut Burrel qe, pa cenuar te drejtat dhe dinjitetin e te burgosurve, te kryejne veprimtarine e tyre ligjore ne ruajtjen e sigurise ne burg. Paaftesite ne kryerjen e kesaj detyre nuk duhet t`i faturohen kurrsesi te burgosurve.

11. Te burgosurit nga ana e tyre jane ankuar per persona të veçantë, punonjës te Policise se Burgut Burrel, te cilet per shkak se u jane burgosur ish kolegë te tyre si dhe te aferm, nga ngjarja e arratisjes, gjate drejtimit te kontrolleve dhe apeleve ushtrojne nje terror te madh psikologjik, duke fyer dhe kercenuar te denuarit.

12. Avokati i Popullit shpreh rezerva per faktin e mosmbajtjes se arshivuar per nje kohe te gjate te filmimeve te sigurise ne Burgun e Burrelit, ç’ka hedh dyshime te renda mbi menyren e administrimit te tyre, me qëllim per te mbuluar dhunen ne burg.

13. Krahas elementit dhune, i cili ka qene konstatimi kryesor gjate ketij inspektimi ne Burgun e Burrelit, shkak i perkeqesimit te te drejtave dhe trajtimit te te burgosurve jane edhe kushtet e veshtira te ketij burgu. Avokati i Popullit ka qene dhe është nje nga institucionet qe ka shprehur mendimin e palekundur se Burgu Burrel nuk permbush asnje standart te pranueshem per te ofruar kete sherbim dhe duhet mbyllur sa më pare.

Mbipopullimi, lageshtia e madhe, mungesa e ngrohjes, ujrat e zeza qe dalin ne terrenet e ajrimit, mungesa e kushteve te pershtatshme te tualeteve dhe dusheve, ushqimi me cilesi te dobet, mungesa e shtrojeve, kushtet jo te pershtatshme ne dhomat e takimeve, mungesa ne ilaçe dhe ne veprimtarite sportive dhe argetuese, moslejimi per te folur ne telefon me familjaret ne nje kohe te pershtatshme, kur ata i gjen ne shtepi etj, kane sjelle rëndim te situates konfliktuale midis te burgosurve dhe administrates se Burgut Burrel.

Ne keto kushte, per t`i ardhur ne ndihme garantimit te te drejtave te te denuarve si dhe per te normalizuar gjendjen e krijuar ne Burgun Burrel, Avokati i Popullit i ka rekomanduar Ministrit te Drejtesise, Drejtorise se Pergjithshme te Burgjeve dhe ka vene ne dijeni organet me te larta te vendit, per pikat si vijon:

1. Marrjen e masave të menjëhershme për zbatimin pa të meta të Ligjit Nr.8328, dt 16.04.1998, “Për të drejtat dhe trajtimin e të dënuarve me burgim”, të ndryshuar; “Rregullores së Përgjithshme të Burgjeve” si dhe të akteve të tjera ligjore e nënligjore të njohura nga shteti shqiptar për sistemin e burgjeve, për sigurimin e kushteve të jetesës në Burgun e Burrelit.

2. Miratimin me procedura te pershpejtuara te nje rregulloreje mbi menyren e kontrollit te dhomave te burgut dhe te denuarve, me efekt për të gjitha burgjet në Shqipëri.

3. Eleminimin e kontrolleve te dhunshme dhe forces se pajustifikuar nga ana e Policise se Burgut Burrel.

4. Kryerjen e nje analize te gjithanshme te situates dhe marrjes se masave administrative dhe disiplinore ndaj punonjesve te veçante te Burgut Burrel, te cilet perfliten per natyren e tyre te dhunshme ndaj te burgosurve.

5. Permiresimin e kushteve te Burgut Burrel, per t’i bere ambjentet e tij te pranueshme per jetese.

6. Caktimin si drejtor të një personi me përvojë që duhet të jetë dalluar më pare për menaxhim dhe drejtim korrekt të burgut ku ka punuar apo punon aktualisht.

Zëdhënësi i Avokatit të Popullit