Tiranë, më 03/10/2002

Kurorezohet me ne Fund me Sukses Perpjekja prej afro dy Vitesh e Avokatit te Popullit per Rivendosjen e te Drejtave te nje Grupi Ushtarakesh

Sot me date, 03.10.02, ne seance plenare, Kuvendi i Shqiperise mori ne shqyrtim dhe miratoi ne parim dhe nen per nen pa asnje vote kunder Projekt Ligjin e paraqitur nga nje grup deputetesh te Komisionit Parlamentar te Mbrojtjes:

           “Per nje ndryshim ne ligjin nr 8087 date 13.03.1996, “Per sigurimin shoqeror suplementar te ushtarakeve te Forcave te Armatosura ne Republiken e Shqiperise, te Ushtarakeve te Ministrise se Rendit publik dhe te Sherbimit Informativ Shteteror”; Ndryshuar me ligjin nr 8521 date 30.07.1999”.

Neni 19/1 i ligjit ne fjale kishte kete përmbajtje:

“Nga ky ligj nuk përfitojnë ushtarakët e nxjerrë në lirim për braktisje detyre, si dhe ata që janë dënuar me burg nga gjykata me vendim të formës së prerë për krime ushtarake”.

Sipas paragrafit te parë te kësaj dispozite, disa ushtarakë, në motivacionin e largimit të tyre nga puna, kanë shkakun “për braktisje detyre”.

Kjo ka bere qe ata te humbasin të drejtën e përfitimit nga ky ligj, edhe pse ata mund të kenë qene 15-20 e deri dhe 30 vjet ne punë si ushtarakë aktive.

Shprehja “braktisje detyre”, në kuptimin e anës objektive dhe subjektive si veprim apo mosveprim, nuk parashikohet në asnjë nga dispozitat e kodit penal ushtarak, në të cilin është parashikuar çdo veprim dhe mosveprim i ushtarakeve qe veprojne ne kundershtim me rregullat dhe rregulloret.

Nga ana tjetër, për një veprim të tillë, shume subjekte ne fjale, as janë kallëzuar e as janë ndjekur penalisht. Pra fajësia e tyre nuk është gjykuar dhe nuk është provuar, ne nje kohe kur apriori quhen te fajshem dhe vuajne saksionin perkates njelloj si ata te cilet “jane denuar me vendim te formes se prere me burg per krime ushtarake”.

Në rrethanat e mësipërme, eshte arritur ne konkluzion se veç kontradiktes qe ka brenda dispozites, vetë përmbajtja e nenit 19/1 te ligjit që kemi sipërcituar, ka krijuar dhe krijon premisa për shkelje të të drejtave të njeriut, të njohura nga neni 30-te i Kushtetutes.

Ne kete perfundim ka arritur Avokati i Popullit, i cili pas nje hetimi ne teresi te kesaj çeshtjeje, ne mbeshtetje te nenit 24 gërma “a” të Ligjit nr.8454, dt.04.02.1999 “Për Avokatin e Popullit”, ka bere rekomandimin perkates per ndryshimin e kesaj dispozite.

Ndryshimi qe eshte bere e sjell dispoziten ne formen:

“Nga ky ligj nuk perfitojne ushtaraket e nxjerre ne lirim per shkak se jane denuar me burg nga gjykata me vendim te formes se prere per krime ushtarake”

Pra  ky  nen  nuk  favorizon  ata  te  cilet  bie  fjala  jane          gjykuar per veprimin e tyre por, vetem ata te cilet jane ndeshkuar “pa iu nenshtruar asnje procedimi penal dhe pa u bazuar ne nje vendim gjyqsor te formes”.

Avokati i popullit i konsideron mjaft pozitive disnonimet e grupit nismetar te deputeteve nga Komisioni Parlamentar i Mbrojtjes, Komisionit Parlamentar te Ekonomise dhe te Ligjeve, Mbeshtetjen e Ministrise se Mbrojtjes, dhe ne fund, VENDIMIN E PARLAMENTIT si nje vendim mjaft te rendesishem jo vetem per faktin se sjell pasoje rivendosjen e te drejtave te nje grupi ushtarakesh por, dhe per faktin se njeheresh, eleminohet premisa per shkelje te drejtave te ushtarakeve ne te ardhmen qe vinte per shkak te kesaj dispozite.

E konsiderojme kete si nje kurorezim te nje pune rreth 1.5 vjeçare jo vetem te Avokatit te Popullit, por dhe te subjekteve qe siperpermemdem, e cila perfshin hetimin e çeshtjes ne teresi, analizimin dhe daljen ne konkluzion per te percaktuar shkaqet e pasojave qe kishte ardhur per grupin e ushtarakeve ankues tek institucioni i Avokatit te Popullit, marrjen e nismes nga Grupi Parlamentar i Mbrojtjes, diskutimeve hap pas hapi ne komisionet parlamentare dhe deri ne disponimin e Parlamentit ne seance plenare dhe marrjen e vendimit te sotem.

           Nderkohe, vendimin e sotem te Parlamentit i cili ishte unanim pa asnje vote kunder e konsiderojme dhe si nje mbeshtetje te fuqishme qe i behet institucionit te Avokatit te Popullit si dhe subjekteve te Forcave te Armatosura.

Zëdhënësi i Avokatit të Popullit