Tiranë, më 03/10/2002

Thellohet Bashkepunimi midis Avokatit te Popullit Shqiptar dhe Zyres se Ombudspersonit te Kosoves

           Nje grup ekspertesh serbe te Zyres se Ombudspersonit te Kosoves po zhvillon nje vizite trajnimi prane Zyres se Avokatit te Popullit te Shqiperise, ne vazhdimesi te ndihmes qe Avokati i Popullit Ermir Dobjani i ka ofruar homologut te tij ne Kosove Marek Antoni Novicki, prej mese nje viti.

Grupi i eksperteve serbe, qe kryesohet nga njeri prej tre zevendesve te Ombudspersonit te Kosoves, Ljubinko Todorovic eshte pritur nga Avokati i Popullit, Ermir Dobjani, i cili ka shprehur gadishmerine e tij dhe te stafit qe drejton per te ofruar te gjithe pervojen e fituar nga kjo zyre e re ne Shqiperi, qe funksionon me sukses qe prej mese dy vjetesh.

“Klima e re integruese ne Ballkan e ben edhe me te domosdoshem bashkepunimin dhe partneritetin midis institucioneve homologe, per me teper kur behet fjale per institucione qe merren me mbrojtjen dhe respektimin e te drejtave te njeriut, sikunder eshte edhe Institucioni i Ombudsmanit”, tha Dobjani ne pritjen qe rezervoi per miqte.

“Ne shprehim falenderimet tona per ndihmen e ofruar nga Zyra e Ombudsmanit Shqiptar dhe pervojen e ketushme do te perpiqemi ta percjellim ne Kosove”, tha Zevendesi i Ombudsmanit te Kosoves, Ljubinko Todorovic.

Zyra e Avokatit te Popullit te Shqiperise, qe nga Shtatori 2001 eshte vizituar nga te gjithe ekspertet shqiptare, tashme edhe nga ata serbe te Zyres se Ombudspersonit te Kosoves. Ata jane njohur me pervojen e krijuar nga Zyra e Avokatit te Popullit e Shqiperise, duke filluar qysh me pritjen e ankesave, me teknikat e procedimit me to e deri ne perpilimin e rekomandimeve qe u dergohen organeve te ndryshme te administrates, ne raste kur keto te fundit veprojne ose nuk veprojne ne kundershtim me respektimin e te drejtave te njeriut te individeve te ndryshem.

Zëdhënësi i Avokatit të Popullit