Athinë, 18.11.08

Ref. No. 15501.08.2.1

Informacion nga:

Ch. Papaharalambous,

Tel. : 0030-210-72 89 805

Për

Ombudsmanin e Republikes se Shqipërisë,

Bulv: "Zhan D' Ark". Nr 2,

1001, Tiranë

ALBANIA

I nderuar Koleg,

Lidhur me rastin e keqtrajtimit në fjalë të qytetarëve shqiptarë, që vuajnë dënimin në Burgun e Patras, në referencë të letrës tuaj të datës 16.09.2008 (nr.ref. K3/K38-3 Prot.Nr.Dok.20081747/3), do të doja të vija në vëmendjen tuaj si më poshtë:

Padyshim që kushtet e paraburgimit në burgjet greke janë larg së qëni ideale. Problemet e sistemit tonë të vuajtjes së dënimit,  të dala në pah sidomos gjatë ditëve të grevës së urisë nëpër burgjet e gjithë vendit, janë riafirmuar jo vetëm nga fakti që institucioni ynë është ndeshur vazhdimisht me to, nëpërmjet peticioneve të të burgosurve grekë dhe të huaj. Ato gjithashtu kanë gjeneruar vendime të Gjykatës së Strasburgut, e cila për këto arsye, ka vendosur kundër Greqisë. Gjithashtu, është e vështirë vihet në dyshim fakti që sjellja e policise, në shumë raste, nuk është ajo që duhet. Qëndrimet stereotipe, të profilizuara negativisht, apo ksenofobike të maskuara, madje të hapura raciste, dhe që diskriminojnë e dhunojne parimet e proporcionalitetit (edhe nëse jo, përsëri përbëjnë torturë ndaj të arrestuarve në mënyre sporadike), tentojnë të bëhen nganjëherë mbisunduese. Sëfundi, askush nuk mund të vërë në diskutim faktin se të metat infrastrukturore, mbipopullimi dhe mungesa e masave alternative të dënimit, kontribuojne në keqësimin e të gjithë situatës. Nga ana jonë, ne përpiqemi sistematikisht të shmangim pengesat ndaj kompetencave tona kontrolluese lidhur me institucionet e vuajtjes së dënimit.

Nga ana tjetër, peticioni për të cilin bëhet fjalë ka një veçori. Pretendimet që shprehen aty janë të paqarta. Situata duhej të ishte shpjeguar në mënyrë më të saktë. Përveç kësaj, pretendimet ndaj qëndrimit të gjykatës, sikurse jua kemi përmendur në shumë raste, nuk mund të shqyrtohen nga ana jonë, pasi ligji është shumë i përcaktuar dhe na e ndalon këtë kompetence. Për më tepër, nëse do t’u drejtoheshim autoriteteve greke, bazuar në një peticion të këtillë, kjo do të rezultonte e padobishme, pasi në të nuk identifikohet asnjë veprim specifik administrativ, që do t’i detyronte këto autoritete të na  përgjigjeshin.

Megjithate, unë do të propozoja që të burgosurit shqiptarë përkatës, të paraqesin një peticion pranë nesh, sikurse çdo person që jeton në Greqi dhe e ka këtë të drejtë (në fakt, shumë shqiptarë, disa edhe të burgosur, e kanë bërë këtë gjë) dhe të jenë më specifikë lidhur me faktet, me sjelljen e pretenduar të personelit përkatës dhe, duke folur në përgjithësi, të japin më shumë fakte konkrete për të demonstruar keqadministrimin dhe dhunimin e të drejtave në burgje.

Duke mbetur në pritje të komenteve tuaja përsa më sipër,

                                                        Juaji sinqerisht,

       Yorgos Kaminis

  Ombudsmani i Greqisë