Ne pergjigje te kerkeses tuaj, Nr.199 dt.26.01.2004 per te dhene mendime rreth dy projektligjeve: “Per disa shtesa dhe ndryshime ne Kodin Penal te Republikes se Shqiperise” dhe “Per disa shtesa dhe ndryshime ne Kodin e Procedures Penale te Republikes se Shqiperise”, ju informojme se nga ana jone u studjuan me vemendje te veçante, dhe nuk kemi ndonje mendim te kundert apo te ndryshem me to.

Meqenese ne rastin konkret behet fjale per shtesa e ndryshime ne Kodin e Procedures Penale, do te ishim te mendimit qe per shkak te situates ne te cilen ndodhet drejtesia shqiptare, ne nenin 58 te Kodit te Procedures Penale te shtohet nje pike Nr. 4, ne te cilen te behet fjale per te drejten e familjareve te viktimes, per t’u njesuar si nje pale ne proces, si dhe te kene te drejten te mbrohen me avokat mbrojtes.

Kjo eshte ngritur disa here nga ana jone, edhe ne Raportet Vjetore, eshte pranuar ne parim, por nuk ka gjetur zgjidhje. Tashme eshte emergjente, duke patur parasysh p.sh.kerkesen e familjes se ish komisar Gani Malushit per ta patur kete te drejte ose kerkesat e familjareve te viktimave te tragjedise se 9 janarit 2004. Te mos harrojme se ne menyre jo ligjore kjo e drejte eshte zbatuar ne vitin 1991 ne gjyqin per viktimat e 2 prillit 1991 ne Shkoder dhe pergjithesisht ka patur mirekuptim dhe mbeshtetje per avokatin e caktuar nga familjaret e viktimave ne ate kohe z. Nazif Bezhani. Pra nuk ka pse tani pas rreth 10 vitesh te mos rregullohet me ligj ky problem qe ne fakt veç te tjerave lufton korrupsionin ne drejtesi.

Se dyti siç ju kemi parashtruar me propozim te veçante, te behet shtese ne nenin 57 te Kodit Penal per llogaritjen e diteburgut ne paraburgim si nje dite e gjysem burg, edhe kur pas vendimit te formes se prere i denuari mbahet ne qelite e paraburgimit.

Duke besuar ne mirekuptimin tuaj,

AVOKATI  I  POPULLIT

        Ermir  DOBJANI