Nr. 2978/1 Prot.                                    Tiranë, më 21 Tetor 2005

Lenda:  Lidhur me informacionin tuaj Nr.1763 prot. date 12.10.2005.

I nderuar zoteri,

Ne vijim te informacionit tuaj per shqyrtimin e ankesave per periudhen 2000-2004 ne fushen e Shendetesise, duke vleresuar maksimalisht perpjekjet e institucionit qe ju drejtoni ne trajtimin dhe zgjidhjen e ceshtjeve te ndryshme te adresuara, ne shprehim komentet tona  lidhur me shqyrtimin e ankesave ne fushen e Shendetesise:

Se pari lidhur me problematiken dhe shqyrtimin e ankesave per tere periudhen 2000-2004 e cila eshte teper e gjere, duke qene se per disa prej tyre nga ana e institucionit te Avokatit te Popullit jane evidentuar vonesa ne kthimin e pergjigjeve nga ana e Ministrise se Shendetesise dhe institucioneve te varesise se saj do te vleresonim shume specifikimin e rasteve konkrete kur ka ndodhur kjo vonese ne menyre qe te lejohet analizimi i secilit prej tyre dhe natyrisht permiresimi i punes ne te ardhmen ne hallken e cila e ka shkaktuar kete vonese. Po e njejta gje gjykojme se vlen edhe per shprehjen tuaj pergjithesuese se duhet te kete me teper transparence ne vendimarrjen nga strukturat kompetente ne varesi te MSh.

Me tej, per sa i takon shqetesimit te ngritur ne letren tuaj per mos paraqitjen ende te projekt-ligjit per mbrojtjen nga rrezatimet jonizuese si dhe ne gjithe praktiken bashkelidhur letres suaj na duhet t'ju informojme se ne strukturen e varesise se Ministrise se Shendetesise dhe atashuar asaj qendron nje zyre per mbrojtjen nga rrezatimet jonizuese (ZMRJ) dhe Komisioni per Mbrojtjen nga Rrezatimet Jonizuese i kryesuar nga Ministri i Shendetesise. Te dy keta institucione kane si qellim krijimin e kuadrit te nevojshem dhe sigurimin per respektimin e tij lidhur me mbrojtjen nga rrezatimet jonizuese te cilat kane te bejne kryesisht me dy lloj burimesh rrezatimi: (i)burime me natyre radioaktive dhe (ii)burime qe gjenerojne rrezatim x (Pajisje Röntgen, Scaner etj.). Lidhur me mbrojtjen prej rrezatimit jonizues ne legjislacionin e brendshem te RSH egziston Iigji Nr.8025 date 9.11.1995 "Per mbrojtjen nga rrezatimet jonizuese" , i cili pas mbi 10 vjetesh eshte parashikuar te pesoje disa amendime ne mesin e vitit te ardhshem 2006, pra sa me siper deri tani Ministria e Shendetesise nuk e ka patur synim te saj paraqitjen ne qeveri e me pas ne Kuvend te ndonje ligji per mbrojtjen nga rrezatimet jonizuese.

Duke iu referuar praktikave bashkelidhur letres suaj kuptojme se behet fjale per nje shqetesim lidhur me kontrollin e rrezatimeve jo jonizuese te cilat kane te bejne kryesisht me fushat elektromagnetike etj. Te gjeneruara kryesisht nga transmetues radio/televizive, antena te telefonise celulare, etj.

Ne, vijim edhe te informacionit te derguar me tonen Nr. 3888/1 date 25.11.2004, ju informojme se ne ate kohe ka qene ngritur nje grup pune me pjesemarrje nga Ministria e Mjedisit, Ministria e Shendetesise dhe e Transportit dhe Telekomunikacionit, i cili do te merrej me hartimin e nje projekt-ligji per mbrojtjen nga rrezatimet jo-jonizuese porse qe nga takimi i pare i ketij grupi pune ka patur perplasje mendimi dhe mungese konsensusi per ceshtjen se ku do te ishte vendosur njesia rregulluese-kontrolluese per keto rrezatime. Per pasoje procesi mbeti ne vend pa njohur asnje zhvillim me tej.

Duke qene se prane Ministrise se Shendetesise egzistojne strukturat perkatese te cilat rregullojne/kontrollojne rrezatimin jonizues, nje ide mund te ishte qe me disa plotesime ne ligjin “Per mbrojtjen nga rrezatimet jonizuese” te rregullohej (po me kete ligj) edhe mbrojtja nga rrezatimet jo-jonizuese. Nderkohe qe per rrezatimin jonizues kontrolli dhe licensimi i importimit dhe perdorimit te burimeve jonizuese behet prej Komisionit te Mbrojtjes nga Rrezatimi Jonizues prane MSH dhe ZMRJ, lidhur me rrezatimet jo-jonizuese dhe burimet e tyre, licensimi, mund te behet nga Enti Rregullator i Telekomunikacionit (ERT).

Pavaresisht nga opsionet e ndryshme ne diskutim, Ministria e Shendetesise si institucioni pergjegjes per ruajtjen dhe permiresimin e shendetit te popullates ne vend, mbetet edhe per kete ceshtje krejtesisht  hapur per mbeshtetje dhe bashkepunim ne pergatitjen e bazes ligjore e me gjere.

Duke ju falenderuar per mirekuptimin,

Maksim CIKULI

M I N I S T E R