Nr. 7210/1 Prot.                                                                     Tiranë, më 11/01/2006

LENDA:     Mbi trajtimin e problemeve te evidentuara gjate ekzekutimit

te vendimeve gjyqesore dhe trajtimit te ankesave.

Drejtuar:    Z. Ermir DOBJANI

                    Avokat i Popullit

T I R A N E

I Nderuar Zoti Avokat i Popullit!

            Duke vleresuar bashkepunimin nderinstitucional, si dhe duke mirepritur shqetesimin qe ju ngreni ne lidhje me mospermbushjen ne kohe dhe aq sa duhet te te drejtave qytetare ne cilesine e gjyqfituesve, me lejoni t'iu bej me dije se:

Ministria e Drejtesise, ne kuadrin e prioriteteve qe ka vete qeveria, e ka vleresuar me seriozitetin maksimal kete problem, duke evidentuar dhe pengesat e karakterit subjektiv qe e pengojne permbushjen e kesaj te drejte qytetare.

Persa me siper Institucioni yne eshte angazhuar ne zgjidhjen e problemit qe lidhet me mosekzekutimin e vendimeve gjyqesore, dhe veçanerisht nga Institucionet Buxhetore ne cilesine e debitorit.

Pasi eshte evidentuar numri total i rasteve, si dhe shumat respektive, qe i detyrohen institucionet buxhetore, personave fizike dhe juridike ne cilesine e kreditorit, eshte kerkuar ne rruge institucionale nga te gjitha keto institucione ekzekutimi i vendimeve gjyqesore te trasheguara nder vite, si dhe i atyre qe paraqiten rast pas rasti.

Me Ministrine e Financave eshte kerkuar bashkepunimi i duhur per rregullimin e kuadrit ligjor ne lidhje me ekzekutimin e detyrimeve ne te holla ndaj institucioneve buxhetore.

Ne aplikim te nenit 589 e vijues te K.Pr.Civile, do te merret inisiativa ligjore per te bere ndryshimet e duhura ne V.K.M. Nr. 355 date 02.06.1998, si dhe do te kerkohet abrogimi i Udhezimit te dale nga Ministria e Financave, i cili behet pengese serioze ne ekzekutimin e ketyre titujve ekzekutive.

Krahas kesaj, nepermjet Drejtorise se Pergjithshme te Sherbimit te Permbarimit Gjyqesor dhe Drejtorise se Kodifikimit, do te ndermerren hapa per krijimin e nje infrastrukture ligjore, e cila do te rrise ndjeshem autoritetin e ketij Sherbimi.

Pavaresisht nga pengesat e karakterit subjektiv kjo nuk e justifikon shqetesimin, qe me te drejte, ju ngreni ne lidhje me mbrojtjen e ketyre te drejtave qytetare, pasi permbushja e tyre nuk mund te shtyhet pafundesisht.

Institucioni yne ne baze te tagrave qe i jep ligji i ka kerkuar Drejtorise se Pergjithshme te Sherbimit te Permbarimit Gjyqesor, qe permbaruesit ne ushtrimin e detyres se tyre te jene konseguente ne zbatimin e ligjit, si dhe te zbatojne me rreptesi sanksionet ligjore, ndaj personave qe me veprimet ose mosveprimet e tyre behen pengese ne ekzekutimin e vendimeve gjyqesore.

Ne vijim te kesaj, lind si domosdoshmeri, rregullimi ligjor I statusit  te permbaruesit gjyqesor, gje e cila do t'i jape me shume kompetenca ne ushtrimin e detyres.

I nje rendesie te veçante eshte dhe bashkepunimi me Institucionin e Policise se Shtetit, Policise Ndertimore, Z.RR.P.Paluajtshme si dhe Organin e Prokurorise.

Ne perfundim, duke shprehur konsideratat tona, si dhe duke qene te hapur per bashkepunim nderinstitucional, mirepresim çdo verejtje dhe sugjerim qe eshte per zgjidhje ligjore.

MINISTRI

ALDO BUMÇI

(firma, vula)