Lënda:    Mbi një aktivitet të përbashkët

Drejtuar:  Zv.Kryeministres dhe Ministre e Punes dhe

Perkrahjes Sociale

Zj. Makbule ÇEÇO

Ministrit te Arsimit dhe Shkences

Zotit Et’hem RUKA

                                                     Tiranë

Duke patur parasysh interesin e përbashkët për forcimin e veprimtarisë së Administratës Publike, mbi bazën e parimeve të shtetit ligjor, kemi menduar që në bashkëpunim me Institucionin tuaj, të organizojmë një seminar të përbashkët për ankesat dhe kërkesat ne lidhje me Mbrojtjen e Grave dhe Femijve dhe nevojat e përmirësimit të legjislacionit në këto fusha.

Pjesëmarrës në këtë seminar do të jenë: stafi i Avokatit të Popullit dhe stafi juaj. Kurse të ftuar do të jenë nga Komisionet e Ligjeve e te Drejtave te Njeriut dhe Arsimit në Parlament, Ministria e Pushtetit Lokal, perfaqesues nga UNICEF dhe OJQ te interesuara.

Duke qenë bashkëorganizatorë, përballimi i shpenzimeve do të bëhet nga Avokati i Popullit nëpërmjet Danidës si dhe nga Institucioni juaj .

Ne mendojmë se ky seminar duhet përgatitur të mbahet në Tiranë, për 1 ditë, në 3 mujorin e katert të vitit 2001. Megjithatë për të përcaktuar të gjitha modalitetet e duhura, nga ana jonë është caktuar Komisionerja që mbulon këto probleme, zonja Florina Nuni.

Duke besuar se nuk do të mungojë predispozicioni dhe dëshira juaj per këtë aktivitet, lutemi na dërgoni deri në datën 30 Janar 2001 opinionet tuaja si dhe emrin e përfaqësuesit tuaj për realizimin e këtij projekti.

                                                              AVOKATI I POPULLIT

                                                                  Ermir DOBJANI