Lënda:    Mbi një aktivitet të përbashkët

Drejtuar:  Ministrit te Financave

Zotit Anastas ANGJELI

                                                     Tiranë

Duke patur parasysh interesin e përbashkët për forcimin e veprimtarisë së Administratës Publike, mbi bazën e parimeve të shtetit ligjor, kemi menduar që në bashkëpunim me Institucionin tuaj, të organizojmë një seminar të përbashkët për ankesat dhe kërkesat ne lidhje me tatimet, taksat dhe doganat si dhe nevojat e përmirësimit të legjislacionit në këto fusha.

Pjesëmarrës në këtë seminar do të jenë: stafi i Avokatit të Popullit, stafi juaj, ata te Drejtorive te Pergjithshme te Tatimeve dhe Doganave. Kurse të ftuar do të jenë nga Komisionet e Ligjeve e te Finances në Parlament, Ministria e Drejtesise, Banka e Shqiperise,  OJQ te interesuara si dhe perfaqesues nga fusha e biznesit vendas e te huaj, Banka Boterore, Fondi Monetar etj.

Duke qenë bashkëorganizatorë, përballimi i shpenzimeve do të bëhet nga Avokati i Popullit nëpërmjet Danidës si dhe nga Institucioni juaj .

Ne mendojmë se ky seminar duhet përgatitur të mbahet në Tiranë, për 1 ditë, në 6 mujorin e dyte të vitit 2001. Megjithatë për të përcaktuar të gjitha modalitetet e duhura, nga ana jonë është caktuar Komisioneri që mbulon këto probleme, zoti Agron Çaushi.

Duke besuar se nuk do të mungojë predispozicioni dhe dëshira juaj per këtë aktivitet, lutemi na dërgoni deri në datën 30 Janar 2001 opinionet tuaja si dhe emrin e përfaqësuesit tuaj për realizimin e këtij projekti.

                                                              AVOKATI I POPULLIT

                                                                  Ermir DOBJANI