Nr. 176-A Prot.                                            Tiranë, më 12/10/2005

Lenda:        Informacion për problemet qe kane dale nga shqyrtimi i ankesave ne fushen e arsimit

Drejtuar:    Ministrit të Arsimit dhe Shkences

Z. Genc POLLO

                                                                          Tirane

I nderuar Z. Ministër

           Ankesa që lidhen me Ministrine e Arsimit dhe institucionet ne varesi gjate 2000-2004 rezultojnë gjithsej 194. Pa mohuar anet pozitive te punes ne kete dege te administrates publike vlen te evidentohet se puna jone 5 vjeçare ka nxjerre ne pah nje sere problemesh te cilat kerkojne angazhim institucional te Ministrit.

           -Një numër i konsiderueshëm ankesash kanë patur si objekt problemet e largimeve nga puna të mësuesve apo transferimeve nga një vend pune në një tjetër. Kjo problematike ka qene prezente gjate gjithe kohes, por ne vitin 2004 ka qënë mbizotëruese për faktin e riorganizimit të Drejtorive Arsimore në gjithë vendin. Gjithashtu ka patur ankesa në të cilat janë kontestuar proçedurat e zhvillimit të konkurseve të zhvilluara për drejtuesit e zyrave Arsimore.

Nga shqyrtimi i ankesave, është konstatuar se në disa raste vendimet e largimit nga puna dhe ato të transferimit janë të paarsyetuara. Ne te gjitha rastet rezulton se nuk behet arsyetimi i akteve administrative ose behet i paqarte ose i pamjaftueshem. Arsyetimi i akteve administrative është një ndër tiparet më themelore të shtetit të së drejtës për dy arsye kryesore: Së pari, dhënia e arsyeve informon personat e interesuar për shkaqet që qëndrojnë pas vendimeve të administratës të cilat ndikojnë negativisht mbi të drejtat dhe liritë e tyre, dhe, së dyti, arsyetimi që i bëhet një akti lehtëson së tepërmi kontrollin gjyqësor dhe ate hierarkik administrativ.

Në mjaft vendime është shpjeguar ana ligjore, ndërkohë që ana faktike, me fjale të tjera, faktet esenciale të cilat e kanë detyruar organin të nxjerrë vendimin nuk janë të pasqyruara në ato vendime. Ky fakt përbën shkelje të dispozitave të Kodit të Proçedurave Administrative dhe cënon në të njëjten kohë gjithë proçesin e vendimmarrjes.

- Gjithashtu ka patur dhe ankesa ku mësuesve të larguar nga puna ju mohohet e drejta për t’u informuar për vendimin e marrë. Shpesh njoftimi verbal konsiderohet nga organi vendimmarrës si e vetmja mënyrë njoftimi.

Duke analizuar respektimin e dispozitave proçeduriale nga organi vendimmarrës, konstatojmë se në asnjë rast personit të dëmtuar nuk i është dhënë mundësia të dëgjohet para marrjes së vendimit të largimit uljes ne dtyre apo të transferimit, për t’i dhënë këtij të fundit mundësinë për të shprehur argumentat e tij dhe per t’u mbrojtur.

- Kurse persa i perket ankesave qe kane patur objekt largimin nga puna kur organ vendimmarres kane qene Dekanet e Fakulteteve apo Rektoret e Universiteteve problemi qe eshte prezantuar nepermjet ankesave eshte pikerisht mosrespektimi i statuteve dhe rregulloreve perkatese te Universiteteve perkatese gjate konkurimeve te zhvilluar per marrjen ne pune te personelit te brendshem akademik si dhe per largimin nga puna te tyre. Gjithashtu jane konstatuar raste te mosperputhjes se rregulloreve te fakulteve me statutin dhe rregulloren e Universiteteve.

Por praktika e deritanishme ka treguar per nje pasivitet te organeve eprore ne rastet e konstatimit te vendimmarrjes se paligjshme nga ana e organeve me te uleta. Keshtu roli i Ministrit te Arsimit si organ qe kontrollon ligjshmerine e vendimmarrjes se akteve te nxjerra nga Rektorit eshte i qarte referuar akteve ligjore. Por megjithekete nga ky organ nuk eshte vepruar edhe kur per te vene ne vend te drejten e shkelur Ministri duhej te shfuqizonte aktet adminsitrative te paligjshme apo te parregullta.

          - Nga shqyrtimi i disa ankesave ka dalë problemi lidhur me kompetencën që kanë Dekanët e Fakulteteve të Universiteteve të Tiranës, për të lidhur kontrata pune dhe prishur ato me personelin akademik shkencor. Proçedura e pranimit dhe e lidhjes së kontratës, shpjegohet në nenin 11 të Rregullores së Universitetit të Tiranës. Në këtë proçedurë duhet rregulluar roli i Departamentit në këtë proçes. Në rastin konkret, Dekani i Fakultetit është në pozitat e një eprori direkt, që ka në kompetencë të lidhë apo të zgjidhë kontratën e punës me personelin mësimor e shkencor.

Konkretisht, Statuti dhe Rregullorja e Universitetit të Tiranës parashikojnë një proçedure specifike që duhet të respektohet nga organet e Fakultetit për marrjen në punë të personelit të brëndshëm akademik e që i vendos këta të fundit në një pozitë të veçantë në raport me kategoritë e tjera të punëmarrësve, marëdhëniet e punës të të cilëve rregullohen me Kodin e Punës. Ndaj dhe proçedura e largimit nga puna nuk mund të kufizohet vetëm në një vlerësim të dekanit në lidhje me punën e bërë nga këta të fundit.

Një arsye tjetër, e cila të çon në konkluzionin se duhet të parashikohet një proçedure tjetër para se Dekani të marrë vendimin për ndërprerjen e marrëdhënieve të punës, ka për qëllim:

-         së pari, respektimin e parimit të barazisë e te mosdiskriminimit gjatë proçesit të vendimmarrjes nga ana e dekanëve;

-         së dyti, rritjen e qëndrueshmërisë së stafit, nisur nga specifika që ka personeli akademik dhe që ndikon drejtëpërsëdrejti në mbarëvajtjen e proçesit mësimor dhe ngritjen e tij në nivelet e kërkuara akademike.

          Lidhur me problemet e prezantuara me lart i jemi drejtuar Senatit të Universitetit të Tiranës me një propozim për “Përmirësimin e Statutit dhe Rregullores së Universitetit të Tiranës, duke parashikuar një proçedurë paraprake për vlerësimin e punës së personelit të brendshëm akademik përpara marrjes së vendimit përfundimtar për ndërprerjen e marëdhënieve të punës nga ana e Dekanit të Fakultetit”. Akoma nuk kemi përgjigje zyrtare lidhur me kete çeshtje.

          Nisur nga këto konstatime, jemi të mendimit se ka shumë për të bërë në drejtim të respektimit të proçedurave ligjore kryesisht në njohjen dhe zbatimin e dispozitave të Kodit të Proçedurave Administrative nga dikasteri Juaj dhe institucionet ne varesi.

          - Gjithashtu gjate ketyre viteve kane qene prezent disa ankesa qe lidhen me trajtimin nga ana e Institucioneve arsimore te femijeve te cilet praktikojne besimin fetar mysliman.

Pas rekomandimeve tona ankesat individuale te prezantuara rezultojne te zgjidhura, nderkohe qe problemi i rregullimit ligjor dhe nenligjor te situates konkrete ne perputhje me Kushtetuten dhe aktet nderkombetare te ratifikuara nuk eshte rregulluar.

Per kete çështje i jane dërguar Rekomandime ish-Kryeministrit dhe ish-Ministrit të Arsimit ku eshte rekomanduar përgatitja dhe lidhja e marëveshjeve me bashkësitë fetare, në zbatim të detyrimit kushtetues të parashikuar në pikën 5 të nenit 10 të Kushtetutës së Republikës së Shqipërisë dhe dërgimin e tyre në Kuvend për ratifikim.

Rezulton qe për rekomandimin e bërë, akoma nuk kemi marrë përgjigje, prandaj bashkelidhur po jua dergojme.

          Duke besuar ne mirekuptimin dhe bashkepunimin Tuaj,