Nr. K2/R23-8 Prot.                                    Tiranë, më 19/07/2004

Nr. Dok. 200301102/8        

Lenda:        Kerkohet nderhyrja Juaj per ekzekutimin e vendimeve gjyqesore ne favor te ish punonjesve te M.R.Publik dhe te Policise nga Ministria e Rendit Publik dhe Drejtoria e Pergjithshme e Policise se Shtetit.

                            Drejtuar:     Kryeministrit te Republikes se Shqiperise

                             Z. Fatos NANO

        Per dijeni:     Kuvendit te Shqiperise

                             Kryetarit te Komisionit Parlamentar 

                             per Rendin dhe SHISH-in

                             Z. Neritan CEKA

                                                                  TIRANE

          Z. Kryeminister,

Ne Institucionin e Avokatit te Popullit kane ardhur disa ankesa nga ish punonjes te M.R.Publik dhe te Policise ndaj M.R.Publik dhe Drejtorise se Pergjithshme te Policise se Shtetit per mos ekzekutimin e vendimeve gjyqesore te formes se prere. Ankuesit pasi jane larguar nga puna prej M.R.Publik apo Policise se Shtetit, i jane drejtuar Komisionit Qendror te Disiplines te Policise se Shtetit. Disave prej tyre Komisioni ju kane dhene te drejte dhe ka propozuar rikthimin e tyre ne detyre. Por propozimet e ketij organi ligjor te Policise se Shtetit nuk jane mare ne konsiderate nga titullaret e M.R.Publik dhe te Policise se Shtetit. Me pas ata kane bere edhe kerkese-padi ne organet gjyqesore. Ne perfundim te gjykimit, atyre ju eshte dhene e drejta per t’u rikthyer ne pune dhe njekohesisht e drejta e demshperblimit per kohen e qendrimit papune padrejtesisht. Ne disa raste ju eshte dhene vetem njera prej ketyre te drejtave. Mirepo megjithese vendimet gjyqesore kane mare forme te prere dhe jane leshuar edhe urdherat e ekzekutimit, ato nuk jane ekzekutuar nga M.R.Publik dhe Drejtoria e Pergjithshme e Policise se Shtetit. Shumica e ankuesve i jane drejtuar me kerkese edhe Zyrave Permbarimore, duke paguar edhe tarifat perkatese, por perseri ekzekutimi i tyre nuk eshte bere.

Pas shume zvarritjeve dhe sorollatjeve, ankuesit i jane drejtuar institucionit tone. Pasi i kemi studjuar me vemendje keto ankesa dhe pasi  kemi mare shpjegime strukturave perkatese te M.R.Publik dhe te Policise, kemi konstatuar se ankuesit kane te drejte. Per te rivendosur ne vend te drejtat e shkelura atyre, ju kemi bere rekomandime organeve te mesiperme per te zbatuar detyrimin kushtetues, te sanksionuar nga neni 142/3 i Kushtetutes se Republikes se Shqiperise, ku percaktohet se:   ”Organet e shtetit jane te detyruara te ekzekutojne vendimet gjyqesore”. Qendrimet e titullareve te M.R.Publik dhe te Policise Shtetit ndaj rekomandimeve tona per te zbatuar kete detyrim kushtetues jane negative. Megjithese ne i kemi perseritur rekomandimet tona, duke vene ne dukje te drejtat ligjore e kushtetuese te shkelura ankuesve nga moszbatimi i vendimeve gjyqesore, perseri prej tyre nuk eshte reaguar pozitivisht.

Disa prej rasteve te pershkruara me siper mund te permendim:

1. Rekomandimin per ekzekutimin e vendimit Nr. 3681, date 21.11.2000, te Gjykates se Rrethit Tirane ne favor te z. Ndre Prendi, ish oficer i Gardes se Republikes. Rekomandimi i eshte bere ish Ministrit te Rendit Publik z. Çipa me date 04.03.2003 dhe perseritur Ministrit te Rendit Publik z. Toska me date 07.01.2004.

2. Rekomandimin per ekzekutimin e vendimit nr. 258, date 05.02.1999 te Gjykates se rrethit Tirane, lene ne fuqi me vendimin nr. 829, date 08.06.1999, te Gjykates se Apelit Tirane, si dhe vendimin nr. 3647, date 25.09.2002 te Gjykates se rrethit Tirane ne favor te ish oficerit te Drejtorise Llogjistike e Teknike te M.R.Publik z. Roland Tego. Rekomandimi i eshte bere Zv/Ministrit te Rendit Publik z. Toska me date 27.10.2003 dhe i eshte perseritur po atij me date 04.12.2003.

3. Rekomandimin per ekzekutimin e vendimit nr. 558, dt. 20.04.2001 te Gjykates se Rrethit Shkoder, ne favor te z. Roland Çomo, ish inspektor i policise kriminale ne Drejtorine e Policise se Qarkut Shkoder. Rekomandimi i eshte bere Drejtorit te Pergjithshem te Policise z. Ibraj me date 14.05.2003 dhe perseritur po atij me date 21.06.2004. Theksojme se Komisioni i Disiplines i Policise ne mbledhjen e dt. 24.05.2001 e ka konsideruar te pamotivuar  urdherin e perjashtimit te tij nga Policia.

4. Rekomandimin per ekzekutimin e vendimit nr. 424, dt. 18.10.2001 te Gjykates se Shkalles se Pare Mat, lene ne fuqi nga Gjykata e Apelit Tirane, ne favor te z. Hasan Barmeta, ish inspektor i policise rrugore ne Komisariatin e Policise Mat. Rekomandimin ja kemi bere Drejtorit te Pergjithshem te Policise z. Ibraj me date 24.06.2004.

5. Rekomandimi per rikthimin ne Polici te ish oficerit te Policise Rrugore ne Puke z. Edmond Pepkolaj, i cili eshte perjashtuar nga Policia per shkak se ndaj tij kishin filluar hetimet per fallsifikimin e nje dokumenti. Megjithese Komisioni i Disiplines e konsideroi te pabazuar perjashtimin e tij nga Policia dhe organi i Prokurorise e pushoi hetimin ne ngarkim te tij, ai perseri nuk rikthehet ne detyre. Rekomandimin ja kemi bere Drejtorit te Pergjithshem te Policise me date 20.05.2004 dhe ja kemi perseritur po atij me date 21.06.2004.

6. Po keshtu mund te permendim edhe tre ankesa te tjera te koheve te fundit, per te cilat kemi kerkuar shpjegime. Per z. Besnik Duka, ish efektiv ne Drejtorine e Policise se Qarkut Gjirokaster, nuk vihet ne ekzekutim vendimi nr. 519, dt. 11.10.2000 i Gjykates se Apelit Gjirokaster, me te cilin eshte vendosur anullimi i urdherit te Ministrit te Rendit Publik per largimin e tij nga Policia. Per z. Gjergj Gjeta, ish oficer i Repartit RENEA, nuk ekzekutohet vendimi nr. 1090, date 21.10.2003, i Gjykates se Apelit Tirane, e cila ka vendosur detyrimin e Drejtorise se Pergjithshme te Policise t’i paguaje atij pagen e nje viti pune. Ndersa per ankuesin Theodhori Gravani, ish shef i personelit ne Drejtorine e Policise se Qarkut  Vlore, nuk zbatohet vendimi nr. 958, dt. 25.05.2004, lene ne fuqi nga Gjykata e Apelit Vlore me vendimin nr. 359, dt. 02.07.2004, me te cilin eshte vendosur anullimi i urdherit te Ministrit te Rendit Publik per perjashtimin e tij nga Policia. Theksojme se ne favor te tij ka vendosur edhe Komisioni i Displines se Policise.

Si argument per mos zbatimin e vendimeve gjyqesore titullaret e M.R.Publik dhe te Policise se Shtetit perdorin Vendimin Unifikues te Kolegjeve te Bashkuara te Gjykates se Larte nr. 31, dt. 14.04.2003, i cili nuk ju jep te drejten e kthimit ne pune punonjesve te policise edhe kur jane larguar padrejtesisht, por vetem te drejten e demshperblimit. Ndersa ne disa raste te tjera shprehen per paligjshmerine dhe padrejtesine e vendimeve gjyqesore, justifikim i cili eshte i paligjshem dhe absurd.

Qendrimi i tyre per kete problem nuk eshte ligjor dhe korrekt, sepse Vendimet Unifikuese te Kolegjeve te Bashkuara te Gjykates se Larte sherbejne vetem si praktike gjyqesore per organet gjyqesore, per çeshtjet me objekt te njejte qe do te gjykohen ne te ardhmen prej tyre. Ato nuk kane dhe nuk mund te kene fuqi prapavepruese para dates 14.04.2003. Po keshtu duhet te theksojme se ato nuk kane fuqi juridike per shfuqizimin e vendimeve gjyqesore te dhena me pare dhe qe kane mare forme te prere, siç jane rastet konkrete.    

Po keshtu mund themi se asnje dispozite kushtetuese apo ligjore nuk i jep te drejten organeve shteterore (perfshi edhe M.R.Publik apo Policine e Shtetit”) qe te bejne vleresimin e vendimeve gjyqesore te formes se prere, si te ligjeshme apo te kunderligjeshme.

Z. Kryeminister,

Kerkesa, qe organet e administrates te çdo rangu, te zbatojne vendimet e gjykatave eshte themelore ne nje shtet te se drejtes, ashtu siç pretendojme qe e kemi shtetin tone. Prandaj, meqenese nga titullaret e M.R.Publik dhe te Policise se Shtetit po vazhdojne te shkelen te drejtat e shtetasve te siperpermendur dhe mbi te gjitha prej tyre nuk po zbatohet nje detyrim kushtetues, bazuar ne nenin 23 te ligjit nr. 8454, date 04.02.1999 ”Per Avokatin e Popullit”,  kerkojme nderhyrjen T’uaj prane organeve te M.R.Publik dhe te Policise se Shtetit per te bere te mundur ekzekutimin sa me shpejte te detyrimeve te tyre qe rrjedhin nga vendimet gjyqesore, lidhur me ish punonjesit e policise.

Duke besuar ne mirekuptimin T’uaj,