I nderuar z. Muçi!

Morën përgjigjen tuaj të datës 8.11.2001 dhe projektin e VKM-së "Për mënyrën e llogaritjes së vlerës së truallit të ndërmarrjeve që do të shiten dhe procedura e shitjes së truallit të tyre si edhe të ndërmarrjeve që do të transformohen në Shoqëri Tregtare".

Me kënaqësi konstatojnë se në zbatim të vendimit të Gjykatës Kushtetuese nr.26, dt.24.04.2001, dhe rekomandimeve tona Ju në vazhdimësi, keni bërë një punë të mirë në zbatim të parimeve kushtetuese në mbrojtje të lirive dhe të drejtave të shtetasve dhe keni pregatitur projekt­vendimin me qëllim që ish-pronarët e truallit, gjatë procesit të privatizimit të ndërmarrjeve shtetërore, ta gëzojnë pronën apo të përfitojnë prej saj.

Në përgjithësi projekti ka pasqyruar në një farë mënyre realizimin e të drejtave të ish-pronarëve, por mendojmë se procedurat për të përcaktuar cmimin e truallit janë tepër të rënduara dhe afatet e përcaktuara për cdo organ janë tepër të shkurtra aq sa do të thonim që ato nuk janë të mjaftueshme as për afatet postare.

Megjithatë, përpara se të kaloj në vërejtje konkrete do të thoja se ky projekt-vendim duhet të presë miratimin e projekt ligjit "Për disa ndryshime në ligjin për kthim-kompesimin e pronave", i cili do të kalojë së shpejti në Parlament. E rëndësishme është që të thuhet se ky vendim hyn në fuqi nga data e botimit në Fletoren Zyrtare të vendimit të Gjykatës Kushtetuese.

Duke qënë se projekti parashikon edhe mënyrat e kthimit të pronave të njohura apo kompesime në pronat që vazhdojnë të jenë shtetërore, zgjidhja më e urtë do të ishte që ky projekt të presë miratimin e këtij ligji.

Ndërkohë Institucioni ynë do të përgatisë edhe disa mendime dhe sugjerime të tjera për përmirësimin e projekt-vendimit në fjalë.

Duke besuar në mirëkuptimin tuaj.

AVOKATI  I  POPULLIT

        Ermir  DOBJANI