Nr. 176 Prot.                                                Tiranë, më 12/10/2005

Lenda:        Informacion për problemet qe kane dale nga shqyrtimi i ankesave ne fushen e Shendetesise.

Drejtuar:    Ministrit të Shendetesise

Z. Maksim CIKULI

                                                                          Tirane

I nderuar Z. Ministër

Per periudhen 2000-2004 për Ministrinë e Shendetesise dhe organet në varësi të saj ka patur gjithsej 94 ankesa ose kërkesa.

Problematika e konstatuar nga shqyrtimi i ankesave qe lidhen me kete organ ka qene :

Ø    Ankesa per mosperputhshmerine me Kushtetuten te Udhëzimit të Ministrit së Shëndetësisë, Nr.362 dt.18.08.2000 “Mbi zbatimin e detyrave për dhënien e lejeve higjeno-sanitare”;

Ø    Ankesa per mosekzekutim te vendimeve gjyqesore te  formes se prere;

Ø    Shkelje të së drejtës së informimit per dokumentet zyrtare;

Ø    Largime apo transferime nga vendi i punes apo detyra;

Ø    Keqtrajtim te pacienteve nga ana e personelit mjekësor;

Ø    Kërkesë për pagesën e orëve të punës shtesë;

Ø    Zvarritje te proçesit te privatizimit per objekte te caktuara;

Ø    Mospërfitim statusi si tetraplegjikë,

Ø    Ankesa lidhur me tregtimin e medikamenteve nga persona që nuk janë të pajisur me liçensë,

Ø    Mosrimbursim të ilaçeve ose per shtesa ne listen e rimbursimeve;

Ø    Zvarritjen e proçedurave dhe mos transparencën nga ana e Ministrisë së Shendetësisë në lidhje me pajisjen e lejes të transferimit të farmacive;

Ø    Ankesa rreth proçeseve te konkurimit qe jane zhvilluar per marjen ne pune te personelit perkates si persa i perket transparences por ne te njejten kohe dhe vendimmarjes perfundimtare te komisioneve te ngritura per kete qellim;

Ø    Ankesa qe lidhen me proçedurat qe ndjek Ministria e Shendetesise per kurimin e shtetasve shqiptare jashte vendit.

Gjate trajtimit te ankesave qe lidhen me Ministrine e Shendetesise evidentojme se ka vonesa ne kthimin e pergjigjeve dhe si rrjedhoje vonese ne trajtimin e ankesave nga ana jone. Pjesa me e madhe e ankesave kane qene te bazuara dhe jane zgjidhur ne favor te ankuesve.

Por mendojme se duhet te kete me shume transparence, gjate vendimmarrjes nga strukturat kompetente.

Nje çeshtje qe ka mbetur pezull prej kohesh eshte pregatitja e projektligjit per mbrojtjen nga rrezatimet jonizuese. Ky projektligj duhej te kishte kaluar prej kohesh per miratimin ne Qeveri e pastaj ne Kuvend, por per neglizhence te strukturave perkatese nen vartesine tuaj nuk eshte bere. Prandaj bashkelidhur po ju dergojme praktikat perkatese.

          Duke besuar ne mirekuptimin dhe bashkepunimin Tuaj,