Lënda:    Mbi një aktivitet të përbashkët

Drejtuar:  Ministrit te Rendit Publik

Zotit Ilir GJONI

Per dijeni: Drejtorit te Pergjithshem te Policise

 Zotit Bilbil MEMA

                                                     Tiranë

Duke patur parasysh interesin e përbashkët për forcimin e veprimtarisë së Administratës Publike, mbi bazën e parimeve të shtetit ligjor, kemi menduar që në bashkëpunim me Institucionin tuaj, të organizojmë një seminar të përbashkët për ankesat dhe kërkesat ne lidhje me organet e Policise se Shtetit dhe nevojat e përmirësimit të legjislacionit në këto fusha.

Pjesëmarrës në këtë seminar do të jenë: stafi i Avokatit të Popullit dhe stafi juaj. Kurse të ftuar do të jenë nga Komisionet e Ligjeve e te Rendit në Parlament, Ministria e Drejtesise, Ministria e Pushtetit Lokal dhe perfaqesues nga Qarqet, Bashkite dhe Prefekturat e vendit, Prokuroria dhe OJQ te interesuara etj.

Duke qenë bashkëorganizatorë, përballimi i shpenzimeve do të bëhet nga Avokati i Popullit nëpërmjet Danidës si dhe nga Institucioni juaj .

Ne mendojmë se ky seminar duhet përgatitur të mbahet në Tiranë, për 1 ditë, në 3 mujorin e pare të vitit 2001. Megjithatë për të përcaktuar të gjitha modalitetet e duhura, nga ana jonë është caktuar Komisioneri që mbulon këto probleme, zoti Jorgo Dhrami.

Duke besuar se nuk do të mungojë predispozicioni dhe dëshira juaj per këtë aktivitet, lutemi na dërgoni deri në datën 30 Janar 2001 opinionet tuaja si dhe emrin e përfaqësuesit tuaj për realizimin e këtij projekti.

                                                              AVOKATI I POPULLIT

                                                                  Ermir DOBJANI