I nderuar z. Ambasador,

Institucioni i Avokatit te Popullit ka qene dhe eshte i interesuar per nje mbarevajtje sa me korrekte ligjore te proceseve zgjedhore ne vend. Si Avokat i Popullit e kam vleresuar gjithmone angazhimin e Zyres Tuaj dhe te OSBE-ODIHR-it me qellim zhvillimin e nje procesi zgjedhor sa me te drejte dhe te pranueshem nga te gjitha palet, sepse ky proces eshte nje nga treguesit me domethenes te nje shoqerie demokratike dhe i respektimit te te drejtave te njeriut.

Se afermi do te mbahen zgjedhjet per organet e pushtetit vendor. Nje rendesi shume te madhe ne kete proces ka numerimi i votave nga ana e personave te percaktuar shprehimisht me ligj per kete qellim. Per arritjen e nje efektiviteti dhe besueshmerie me te madhe, por edhe per nje kosto financiare me te reduktuar, mendojme qe numerimi i votave te behet jo nepermjet grupeve te numerimit, por me ane te skanerave profesionale te vendosur ne ambientet e KZZ-ve, ku edhe do te behet numerimi optik i votave, nepermjet skanerave elektronike.

Per realizimin e ketij projekti, mendoj se eshte i nevojshem edhe bashkepunimi i Zyres tuaj per kryerjen e nje studimi fizibiliteti, qe do te percaktoje efektivitetin dhe dobishmerine e perdorimit te skanerave elektronike per numerimin e votave gjate procesit zgjedhor, duke perjashtuar keshtu ne maksimumin e mundshem subjektivitetin njerezor, i cili eshte shkaku kryesor qe ka cenuar rregullsine e zgjedhjeve ne Shqiperi.

Lidhur me kete kemi zhvilluar bisedime paraprake edhe me drejtues te Fakultetit te Shkencave te Natyres te Universitetit te Tiranes. Dihet se nje praktike e tille eshte zbatuar ne rastin e korrigjimit te provimeve te pranimit te studenteve ne Universitet. Ky fakultet dhe departamenti i tij i Informatikes kane ofruar gadishmerine e tyre per realizimin teknik te ketij sistemi, nje nder perparesite e te cilit eshte menjanimi sa me shume te jete e mundur, i nderhyrjeve njerezore ne procesin e numerimit te votave.

Paraprakisht eshte menduar qe ky sistem mund te filloje si projekt pilot me rastin e zgjedhjeve lokale, dhe konkretisht ne nivel bashkie. Kjo do t’i paraprinte zgjedhjeve te pergjithshme. Kjo, me qellim edhe rregullimin e mangesive qe do te dalin eventualisht ne kete faze, efektiviteti i se ciles do te percaktoje vazhdimesine ose jo te ketij sistemi.

Sa me siper propozojme te diskutojme se bashku per realizimin e ketij projekti, i cili pritet te angazhoje nje grup specialistesh nga me te miret e kesaj fushe, qe kemi ne Shqiperi.

Duke besuar ne mirekuptimin tuaj dhe ne pritje te bashkepunimit per dhenien e nje kontributi te perbashket ne kete çeshtje,

                                                             Me respekt,

AVOKATI  I  POPULLIT

        Ermir  DOBJANI