Lënda:    Mbi një aktivitet të përbashkët

Drejtuar:  Ministrit të Puneve Publike

Zotit Spartak POÇI

Ministrit te Pushtetit Lokal

Zotit Bashkim FINO

Kryetares se Komitetit te Mjedisit

Zonjes  Tatjana MEMA

                                                     Tiranë

Duke patur parasysh interesin e përbashkët për forcimin e veprimtarisë së Administratës Publike, mbi bazën e parimeve të shtetit ligjor, kemi menduar që në bashkëpunim me Institucionin tuaj, të organizojmë një seminar të përbashkët për ankesat dhe kërkesat në lidhje me lejet e ndertimit, ndertimet pa leje, mbrojtjen e mjedisit dhe nevojat e përmirësimit të legjislacionit në këto fusha.

Pjesëmarrës në këtë seminar do të jenë: stafi i Avokatit të Popullit dhe stafet tuaja. Kurse të ftuar do të jenë nga Komisioni i Ligjeve në Parlament, Ministria e Drejtesise, Ministria e Rendit Publik, dhe perfaqesues nga 12 Qarqet, 65 Bashkite dhe 309 Komunat e vendit, OJQ te interesuara si dhe perfaqesues nga fusha e biznesit te ndertimeve.

Duke qenë bashkëorganizatorë, përballimi i shpenzimeve do të bëhet nga Avokati i Popullit nëpërmjet Danidës si dhe nga Institucionet tuaja .

Ne mendojmë se ky seminar duhet përgatitur të mbahet në Tiranë, për 1 ditë, në fund te 6 mujorit te pare të vitit 2001. Megjithatë për të përcaktuar të gjitha modalitetet e duhura, nga ana jonë është caktuar Komisioneri që mbulon këto probleme, zoti Agron Çaushi.

Duke besuar se nuk do të mungojë predispozicioni dhe dëshira juaj per këtë aktivitet, lutemi na dërgoni deri në datën 30 Janar 2001 opinionet tuaja si dhe emrin e përfaqësuesit tuaj për realizimin e këtij projekti.

                                                              AVOKATI I POPULLIT

                                                                  Ermir DOBJANI