Tirane, 29.06.2004

Zotit Ermir Dobjani

Avokati i Popullit

I nderuar zoti Dobjani,

Dëshirojmë që me anën e kësaj letre të shprehim falenderimet tona për pjesëmarrjen dhe kontributin tuaj të veçantë në Konferencën Kombëtare “Besimi Publik – Sfidë për Policinë” si dhe në të tjera aktivitete të ngjashme të organizuara nga IDN.

Besojmë se ky aktivitet pati një rëndësi të veçantë në drejtim të reformave në Policinë e Shtetit dhe solli një sensibilitet të nevojshëm për faktin se për herë të parë flitet në mënyrë serioze dhe profesionale për mundësinë dhe nevojën e krijimit të sindikatave edhe në Policinë e Shtetit. Në këtë drejtim, fjala juaj ishte mjaft e rëndësishme për vetë mënyrën e trajtimit të çështjes dhe mbështetjen institucionale që ofruat në këtë drejtim.

Dëshirojmë dhe shprehim bindjen se kontributi juaj dhe i institucionit që ju drejtoni, do të jenë në vazhdimësi po aq të vlefshme në mënyrë që t’i jepet shtysa dhe inkurajimi i nevojshëm policisë për të bërë edhe këtë hap të rëndësishëm në drejtim të reformimit dhe demokratizimit të saj të mëtejshëm, e gjitha kjo në funksion të arritjes së standarteve europiane për të pasur një shërbim policor modern dhe bashkëkohor.

Duke ju falenderuar edhe njëherë, shprehim dëshirën që komunikimi dhe bashkëpunimi mes IDN-së, institucionit të Avokatit të Popullit dhe juve personalisht, të jenë në vazhdimësi të fry tshme.

Me respekt

Sotiraq Hroni