Nr. 1355/1 Prot.                                         Tiranë, më 25.03.2008

Lënda:  Për bashkëpunimin

Drejtuar:

Zotit Ermir DOBJANI

Avokat i Popullit

  T i r a n ë

I nderuar Zoti Avokat i Popullit,

Në vazhdimësi kam vlerësuar dhe vlerësoj bashkëpunimin ndërmjet institucioneve të administratës, duke e konsideruar si një mënyrë të rëndësishme për kryerjen e detyrimeve dhe përgjegjësive të përcaktuara. Për më tepër, bashkëpunimi me institucionin Tuaj merr një rëndësi të veçantë, sepse kontribuon  për përmirësimin e standarteve të shërbimeve tona ndaj komunitetit.

Duke përfituar nga ky rast, më lejoni t’Ju falenderoj për vlerësimin e saktë dhe objektiv që bëhen prej punonjësve Tuaj kur verifikohen ankesa apo çështje të ndryshme që lidhen me punën dhe veprimtarinë e punonjësve të Policisë së Shtetit.

Njëherësh, dëshiroj t’Ju garantoj se edhe në të ardhmen ne do të jemi të hapur ndaj Institucionit të Avokatit të Popullit dhe do të vlerësojmë çdo sugjerim  që do t’i shërbente përmirësimit dhe rritjes së cilësisë në veprimtarinë tonë të përditshme.

Drejtori i Përgjithshëm i Policisë

Kryekomisar Ahmet PRENÇI