Tiranë, më 24/05/2004

Nr.   K3/A32-2   Prot.

Nr. Dok 200400736/2  

Z.Minister !

Institucioni i Avokatit te Popullit ne permbushjen e misionit te tij kushtetues, per mbrojtjen e lirive dhe te drejtave te individeve nga çdo shkelje e pretenduar e veprimeve dhe mosveprimeve te administrates publike, eshte njohur me nje ankese te prezantuar nga Zj.Ariana Koloneci, me profesion farmaciste ne qytetin e Durresit. Ankuesja na informon per nje problem qe ka lindur gjate funksionimit te sherbimit te saj si farmaciste dhe qe sipas pretendimit te ankueses, lidhet me parregullsine ne dhenien e lejeve ne ushtrimin e veprimtarise se farmacive private.

          Me lejoni ne vijimesi t’ju paraqes çeshtjen si me poshte:

          Zj.Koloneci ushtron prej 10 vitesh veprimtarine e saj ne farmacine private, aktivitet te cilin e ka ngritur duke respektuar te gjitha ligjet dhe aktet nenligjore, si dhe kriteret e percaktuara nga Ministria e Shendetsise. Nje prej ketyre kritereve eshte dhe respektimi i distancave ndermjet farmacive, kur çelen te reja apo trasnferohen ato ekzistuese. Ky rregull eshte sanksionuar me Urdherin Nr.72 date 15.02.2000 te Ministrit te Shendetsise. Nxjerrja e ketij urdheri mbeshtetet ne argumentimin e konstatimit te tendences ne grumbullimin e farmacive prane poliklinikave dhe qendrave shendetsore, duke lene zbrazur siperfaqe te populluara, fakt i cili krijonte anomali ne sherbimin farmaceutik per keto zona te banuara. Per kete arsye u urdherua respektimi disptances prej 200 metra katror, nga njera farmaci ne tjetren.

          Gjate ketyre viteve te zhvillimit te sherbimit farmaceutik, ne hapjen e farmacive te reja dhe ato te transferuara, eshte respektuar urdheri i mesiperm. Se fundi data 15.04.2004, shenoi nxjerrjen e nje urdheri tjeter, respektivisht me Nr.203 date 15.04.2004, sipas te ciles urdherohet heqja e distances 200 metra katror ndermjet farmacive, duke e argumentuar me nxitjen dhe permiresimin e biznesit dhe sherbimit farmaceutik. Urdheri i mesiperm shfuqizoi urdherin e meparshem Nr.72 date 15.02.2002. Ne keto kushte dhe gjate kesaj kohe, ankuesja na sqaron se jane miratuar disa leje, te cilat sipas pretendimit te saj, kane cenuar ushtrimin e sherbimit te saj sepse ne rastin qe na paraqet Zj.Koloneci, liçensa per farmacine e re qe eshte miratuar, eshte ngjitur me te, nen te njejtin pallat. Por ky rast sipas saj, nuk eshte i vetem dhe kete e mbeshtet dhe informacioni i Sindikates se Farmacisteve, e cila e ngre si shqetesim pikerisht kete fakt qe ka ndodhur edhe me Zj.Koloneci, e cila eshte nje prej disa rasteve te konstatuara kohet e fundit.

Sipas informacionit te disponuar nga ankuesja, pretendohet gjithashtu se leja per kete farmaci te re, qe eshte krijuar rishtas ngjitur me te, perkatesisht e farmaciste Zj.Mira Balles, eshte miratuar pa kaluar si proçedure ne komisionin e miratimit te liçensave, ne kundershtim me rregulloren e funksionimit te Komisionit, i cili mblidhet nje here ne muaj  dhe pretendohet se ne mbledhjen e radhes, nuk eshte diskutuar per kete rast.

          Zj.Koloneci na shpjegon se Ligji Nr.9150 date 30.10.2003 “Per Urdhrin e Farmacisteve”, ka parashikuar ne dispozitat e tij mbrojtjen e farmacisteve nga veprimet arbitrare te administrates publike ose private, per ushtrimin e profesionit dhe rregullon marredheniet e punes ndermjet farmacisteve. Gjithashtu ne kete ligj, eshte parashikuar edhe ngritja e Komisionit te regjistrimit dhe dhenies se te drejtes se ushtrimit te profesionit, por megjithese ligji parashikon nje afat 3 mujor, nga dita e hyrjes ne fuqi te tij, rezulton se ende nuk eshte bere e mundur realizimi i ketij detyrimi ligjor, fakt i cili ka sjelle dhe keto anomali qe jane verejtur ne sherbimin farmaceutik.

          Me tej, Urdheri i dates 15.04.2004 i cili heq distancat midis farmacive, eshte pasuar nga nje tjeter urdher respektivisht me Nr.230 date 28.04.2004, i cili pezullon urdherin Nr.203 date 15.04.2004 per heqjen e distances ndermjet farmnacive, duke u mbeshtetur serisht ne te njejtin argument, ate te disiplinimit dhe shperndarjes propocionale te farmacive dhe agjensive farmaceutike, ne sherbim te komunitetit ne tere vendin.

          Jetegjatesia prej 13 ditesh e urdherit qe heq distancat ndermjet farmacive, solli si pasoje shkeljen e kriterit per shperndarjen propocionale te farmacive per popullaten, duke u grumbulluar pa kriter vetem ne disa vende dhe duke lene zbuluar zona te tera te populluara.

          Ne keto kushte Zj.Koloneci, e cila nuk eshte e vetme ne kete shqetesim qe paraqet, ka kerkuar nderhyrjen e Ministrise se Shendetsise ne rregullimin e kesaj gjendje anormale dhe per kete arsye, Ju ka paraqitur dhe nje ankese me shkrim, por deri tani nuk disponon asnje pergjigje per kete çeshtje.

          Se fundi, i eshte drejtuar Avokatit te Popullit dhe kerkon ndermjetesimin e tij institucional, me qellim qe kjo gjendje e krijuar ne sherbimin farmaceutik vetem per 13 dite, te mund te rregullohet .

          Per nevojat e shqyrtimit te kesaj ankese, bazuar ne nenin 63 pika 4, te Kushtetutes se Republikes se Shqiperise, qe percakton se :”Organet dhe funksionaret  publike jane  te detyruar t’i paraqesin Avokatit te Popullit te gjitha dokumentat dhe informacionet e kerkuara prej tij”, si dhe ne nenin 19, pika ”b” te ligjit Nr.8454 date 4.02.1999 ”Per Avokatin e Popullit”, qe percakton se : ”Avokati i Popullit ka te drejte te kerkoje shpjegime nga cdo organ i administrates qendrore dhe vendore, si dhe te marre cdo dosje apo material qe ka lidhje me hetimin ”, kerkojme nje informacion per kete problem, qe ndoshta eshte i njohur edhe nga Ju. Cilat jane shkaqet ligjore qe Urdheri Juaj i vitit 2000, u shfuqizua ne vitin 2004 dhe vetem pas pak kohesh, u pezullua serisht. Cilat jane argumentat mbi te cilat u bazua Ministria e Shendetsise, ne marrjen e iniciatives per heqjen e kriterit te distances dhe me pas te iniciatives per pezullimin e heqjes se distances. Lutemi na informoni nese pretendimet qe paraqet ankuesja, qendrojne dhe si e vleresoni ju faktin qe lejet e miratuara se fundi gjate ketij afati te shkurter kohor, kane sjelle grumbullime pa kriter te ketij sherbimi, shqetesim te cilin na e percjelle edhe Sindikata e Farmacisteve, si dhe alternativat per nje zgjidhje te mundshme te kesaj situate. Ne vijim lutemi na informoni, nese jane miratuar leje per farmaci te reja pa respektuar distancen 200 metra katror, duke shfrytezuar intervalin kohor te Urdherit Nr.203 date 15.04.2004 qe heq distancen  dhe  Urdherit Nr.230 date 28.04.2004 qe pezullon heqjen e distances se mesiperme, perfshire rastin e Zj.Mira Balla. A do te rivleresohen edhe njehere keto licensa, me mundesine e revokimit te tyre?

          Cilat jane pengesat ligjore qe kane sjelle mos miratimin e akteve nenligjore, ne afatin e percaktuar ne ligjin Nr.9150 date 30.10.2003 ”Per Urdherin e Farmacisteve ne Republiken e Shqiperise”, veprime te cilat do te kontrollonin disiplinimin e sherbimit farmaceutik, ne sherbim te komunitetit.

          Lutemi, pergjigjen per sa me siper na e dergoni brenda nje afati sa me te shkurter kohor, sepse ne varesi te saj edhe zyra jone percakton proçedimin e metejshem per kete ankese, duke respektuar afatin ligjor qe ka ne dispozicion sipas ligjit, kundrejt ankueses.

          Duke shpresuar ne bashkepunimin dhe mirekuptimin Tuaj.

                                                        AVOKATI  I  POPULLIT

       ERMIR DOBJANI

Shenim: Kjo kerkese eshte perseritur ne daten 16.07.2004 me nr. K3/A32-4 Prot.