Nr. 154/2 Prot.                                         Tiranë, më 23/09/2002

Lenda:        Për bashkëpunimin për Konferencën Kombëtare “Për të drejtën e Informimit për dokumentet zyrtarë”. 

Drejtuar:    Kryeministrit

                   Zotit  Fatos  NANO

                                                                              Tiranë

          I nderuar Z. Kryeministër!

          Në zbatim të detyrave tona Kushtetuese, për rreth 2 vjet kemi punuar për rritjen e transparencës së administratës publike shqiptare që Ju keni nderin ta drejtoni. Mjetet e përdorura nga ne kanë qënë që nga verifikimet dhe hetimet e ankesave deri tek Rekomandimet për zgjidhjen e tyre. Duke shfrytëzuar autorizimin që jep ligji nr.8503 dt.20.06.1999 “Për të drejtën e informimit për dokumentat zyrtarë”, që ka caktuar Avokatin e Popullit si kujdestar për zbatimin e tij, siç e thamë, për rreth dy vjet kemi nisur mbi 400 rekomandime drejtuar gjithë niveleve të administratës publike për hartimin e rregulloreve dhe krijimin e lehtësive strukturore e praktike për marrjen nga ana e publikut në mënyrë të plotë, të saktë e të përshtatshme të të gjitha dokumentave zyrtarë, ashtu siç e kërkon ligji në fjalë. Një rekomandim të tillë i kemi nisur edhe paraardhësve Tuaj.

          Në vijim të kësaj veprimtarie, Institucioni i Avokatit të Popullit, në bashkëpunim me Institutin e Studimeve Ligjore ka planifikuar të organizojë një Konferencë Kombëtare në muajin Dhjetor 2002 për të analizuar realizimin e të drejtës së informimit (Transparencën Qeverisëse). Në këtë Konferencë ku do të synohet të jepet përvoja e deritanishme, arritjet dhe mangësitë si dhe objektivat për të ardhmen.

          Duke qenë i bindur që Ju dhe Qeveria që Ju drejtoni jeni të interesuar për një transparencë sa më të madhe ndaj publikut, Ju ftojmë të bashkëpunojmë për të realizuar me sukses këtë Konferencë Kombëtare dhe njëkohësisht për të kontribuar në rritjen e Transparencës dhe Mirëqeverisjes.

          Si fillim, për të realizuar një bashkëpunim sa më të mirë, mendojmë që si pikë kontakti dhe person që do të ndjekë bashkëpunimin për organizimin e Konferencës të jetë Ministri i Shtetit, zoti Blendi Klosi. Për këtë përzgjedhje u nisa edhe nga fakti që z. Blendi Klosi mbulon edhe problemet e antikorrupsionit dhe pse praktikisht transparenca është një nga mjetet më efikase të luftës kundër korrupsionit.

          Duke shpresuar për vlerësimin pozitiv, bashkëpunimin Tuaj dhe një përgjigje sa më të shpejtë, bashkë me çdo sugjerim apo vërejtje Tuajën.