Të nderuar Zotërinj !

Avokati i Popullit në ndjekje të Rekomandimit tone per përkthimin dhe botimin zyrtar të akteve ndërkombëtare të ratifikuara nga Kuvendi apo në të cilat Shteti Shqiptar është pale, ka patur një korrespondencë të dendur me organet përkatëse, nëpërmjet së cilës ka kërkuar përmbushjen e këtij detyrimi sipas neneve 121 dhe 122 të Kushtetutës dhe Ligjit Nr.8678 dt.14.05.2001 "Per Organizimin dhe Funksionimin e Ministrisë së Drejtësisë” (i ndryshuar).

Në përgjigjen që na ka dërguar Ministria e Drejtësisë me Nr.2549/1 Prot dt.10.04.2006 janë bërë të njohura përpjekjet e këtij organi per të vënë në zbatim detyrimet përkatese ligjore. Per këtë qëllim, sipas shkresës se mësipërme do t’i kërkohej Ministrisë së Financave brenda gjashtë mujorit të dytë te Vitit 2006 një fond i veçantë prej 2 milionë lekësh, i cili do të mundësonte përkthimin dhe botimin e rreth 75 akteve ndërkombëtare.

Meqenëse ka kaluar nje kohë e gjatë dhe nuk kemi informacion per realizimin ose jo të kësaj proçedure, Avokati i Popullit kërkon të njihet me veprimet e kryera nga Ministria e Drejtësisë në përmbushje të angazhimeve per zgjidhjen përfundimtare të kësaj çështje.

Duke besuar në bashkëpunimin dhe mirëkuptimin tuaj, presim një përgjigje brenda afatit 10 ditor.

                                                           Me respekt

AVOKATI  I  POPULLIT

        Ermir  DOBJANI