E nderuar zonja Kryetare

Më datën 21 janar 2007 përfundoi mandati 3-vjeçar për tre komisionerët në institucionin e Avokatit të Popullit, zotërinjve Jorgo Dhrami, Gëzim Lleshi dhe Riza Poda.

Në zbatim të nenit 33 të ligjit nr.8454 dt.04.02.1999, të plotësuar me ligjin nr.8600 datë 10.04.2000, ndryshuar me ligjin nr.9389 datë 12.05.2005 “Për Avokatin e Popullit”, i propozojmë Kuvendit për të zgjedhur në detyrat e Komisionerëve në institucionin e Avokatit të Popullit juristët e mëposhtëm, të cilët i plotësojnë kushtet e kërkuara nga nenet 3, 10 dhe 33 të ligjit të mësipërm:

          1. Silda Anagnosti, Këshilltare ligjore pranë zyrës së OSBE-së Tiranë.

          2. Denar Biba, Këshilltar ligjor pranë Gjykatës Kushtetuese.

          3. Riza Poda, ish komisioner 2004-2007, propozohet të rizgjidhet.

          Bashkëlidhur ju dërgojmë dhe Curriculum Vitae për tre juristët e propozuar.

          Duke besuar në mirëkuptimin dhe falenderuar paraprakisht për bashkëpunimin Tuaj,

                                                           Me respekt

AVOKATI  I  POPULLIT

        Ermir  DOBJANI