Lenda : Per zbatimin e rekomandimeve te Komitetit te Ministrave te

            Keshillit te Evropes.

ZOTIT ERMIR DOBJANI

AVOKAT I POPULLIT

Komiteti i Ministrave te Keshillit te Europes ka miratuar Rekomandimet e meposhtme lidhur me respektimin dhe garantimin e te drejtave te njeriut;

-    Rekomandimi (2002)2 "Ri-ekzaminimi ose rihapja e ceshtjeve te caktuara ne nivel te brendshem ne ndjekje te zbatimit te vendimeve te Gjykates Europiane per te Drejtat e Njeriut".

-    Rekomandimi (2002) 13 "Publikimi dhe shperndarja ne vendet anetare te tekstit te Konventes Europiane per te Drejtat e Njeriut dhe te praktikes se Gjykates Europiane per te Drejtat e Njeriut".

-    Rekomandimi (2004)4 "Konventa Europiane per te Drejtat e Njeriut ne arsimin universitar dhe trajnimin profesional"

-    Rekomandimi (2004)5 "Verifikimi i perputhjes se projektligjeve te reja, ligjeve ekzistuese dhe praktikes administrative me standartet e percaktuara ne Konventen Europiane per te Drejtat e Njeriut"

-     Rekomandimi (2004)6 "Permiresimi i mjeteve te brendeshme te ankimit"

Ne kuadrin e implementimit te Konventes Europiane per te Drejtat e Njeriut, Komiteti i Ministrave kerkon nga te gjitha shtetet anetare te KE marrjen e masave te nevojshme per implementimin dhe zbatimin e rekomandimeve te mesiperme te cilat percaktojne disa nga drejtimet dhe elementet kryesore per implementimin e Konventes Europiane si pjese integrale e sistemit te brendshem ligjor.

Ecuria e procesit te zbatimit te rekomandimeve te mesiperme perfshihet ne menyre periodike si çeshtje e rendit te dites ne Mbledhjet e Komitetit Drejtues te te Drejtave te Njeriut (CDDH), por edhe te strukturave te tjera politike te Keshillit te Europes ku raportohet nga perfaqesuesit e shteteve anetare.

                        `~

Ne kuadrin e zbatimit te Rekomandimit (2004)5 “Verifikimi i perputhjes se projektligjeve te reja, ligjeve ekzistuese dhe praktikes administrative me standartet e percaktuara ne Konventen Europiane per te Drejtat e Njeriut", duke konsideruar rolin e aktivitetit te institucionit tuaj ne praktiken administrative dhe ne permiresimin e legjislacionit, nga ana juaj kerkojme nje informacion te detajuar se cilat jane arritjet, masat e marra dhe nderhyrjet konkrete te institucionit tuaj ne kete drejtim, me qellim raportimin ne strukturat e KE-se.

Gjithashtu duke qene se procesi i implementimit te ketyre rekomandimeve kerkon angazhimin e disa strukturave shteterore, me qellim qe te permiresohet dhe te rritet eficenca e ketij procesi, sugjerojme qe te shikohet mundesia e krijimit te nje grupi pune gjitheperfshires te institucioneve pergjegjese per te hartuar nje plan veprimi apo per te gjetur nje strategji per krijimin e nje mekanizmi te pershtatshem me qellim zbatimin e ketyre rekomandimeve ne nje kohe sa me te shpejte. Lutemi sa me siper kerkojme opinionin tuaj.

Bashkengjitur nje kopje e rekomandimeve ne fjale.

Duke ju falenderuar per bashkepunimin,

MINISTRI

Besnik MUSTAFAJ

(firma, vula)