Te nderuar zoterinj,

Ne zyren tone kane mberritur disa ankesa nga te burgosurit shqiptare, te cilet jane duke vuajtur denimin ne burgjet jashte vendit, ne lidhje me mungesen e literatures si juridike, ashtu edhe artistike ne gjuhen shqipe. Ne kemi ideuar nje projekt, i cili ka te beje me paisjen e shtetasve shqiptare me literature ne gjuhen amtare, dhe per kete dikasteret tuaja jane vene ne dijeni me shkresat tona nr.483 dt.03.10.2001 dhe 593 dt.26.12.2001.

Per kete projekt eshte pergatitur literatura qe permban Konventen Europiane te te drejtave te Njeriut, Rregullat per t’ju drejtuar Gjykates Europiane te te drejtave te Njeriut ne Strasburg si dhe Rregullat Europiane te Burgut, te miratuara nga Komiteti i Ministrave te vendeve anetare te Keshillit te Europes me Rekomandimin Nr.R (87)3. Kjo literature ne gjuhen shqipe do te permblidhet ne nje botim me 1000 kopje dhe shpenzimet do te perballohen nga Buxheti i Danides per Institucionin tone. Ky liber duhet te dergohet neper te gjithe burgjet jashte vendit ku ka shqiptare. Por per te realizuar kete projekt eshte i nevojshem edhe vazhdimi i bashkepunimit tuaj, qe ka funksionuar, mbasi nga ana juaj na jane derguar numri i te denuarve jashte shtetit dhe shperndarja e tyre sipas shteteve. Prandaj kerkohet, qe nepermjet perfaqesive tona diplomatike e konsullore ne keto shtete, te merren lejet perkatese dhe te organizohet shperndarja e ketyre librave neper burgje. Njekohesisht duhet negociuar edhe me Ministrite e Drejtesise nga te cilat varen burgjet qe te lejohet dergimi i literatures qe po pergatitim. Ne mendojme qe shperndarja sipas shteteve te behet sipas listes bashkengjitur. Ne perputhje me kete liste duhet planifikuar nga sejcila perfaqesi apo Konsullate, shperndarja konkrete ne çdo burg te vendit qe ato mbulojne.

Lidhur me sa me siper, jeni te lutur, brenda nje kohe sa me te shpejte te na beni te ditur angazhimin tuaj konkret me qellim qe pas marrjes se pelqimit nga institucionet perkatese te shteteve te tjera, te bejme menjehere botimin perkates.

Duke besuar ne bashkepunimin dhe mirkuptimin tuaj, shpresoj qe ky projekt te vleje ne rritjen e besimit te shtetasve shqiptare per kujdesin qe tregojne institucionet e shtetit shqiptar ndaj shtetasve te tij.

AVOKATI  I  POPULLIT

        Ermir  DOBJANI