I nderuar Z. DOBJANI,

          Institucioni i Prefektit të Qarkut Korçë, u njoh me raportin Vjetor të Avokatit të Popullit lidhur me veprimtarinë e këtij institucioni për Vitin 2007, duke vlerësuar maksimalisht preokupacionin tuaj, veçanërisht për trajtimin dhe zgjidhjen e problemeve të qytetarëve të Rajonit të Korçës.

 Institucioni i Prefektit, në përputhje me misionin e tij të përcaktuar qartë në Ligjin  Nr.9827, date 25.07.2002  "Për Prefektin" mbetet i hapur për një bashkëpunim të frutshëm me Institucionin e Avokatit të Popullit, me qëllim zbatimin e parimeve Kushtetuese nga të gjitha institucionet qëndrore në nivel vendor, si dhe organet e qeverisjes vendore në Qarkun e Korçës, në interes të mbrojtjes së të drejtave dhe lirive të qytetarëve.

Sa me sipër, në funksion të përmbushjes së detyrimeve ligjore shprehim mbështetjen tonë institucionale duke mirëpritur çdo rekomandim apo propozim të bërë nga Institucioni i Avokatit të Popullit, në rastet kur nga ana juaj vërehen shkelje të interesave të qytetarëve, nga administrata publike.

          Duke ju falenderuar për punën tuaj të deritanishme, shprehim konsideratat e Institucionit të Prefektit për Ju dhe Institucionin që drejtoni.

           P R E F E K T I

        Prof. Dr. Elfrida ZEFI