Nr.  72/9   Prot.                                 Tiranë, më 16/09/2005

Lenda:        Informacion ne lidhje me aktivitetin e Avokatit te Popullit ne kuader te uljes se tarifave te telefonise celulare.

Drejtuar:    Ministrit te Puneve Publike, Transportit dhe Telekomunikacionit

                                    Z. Lulezim BASHA

                             Ministrit te Ekonomise, Tregetise dhe

                             Energjitikes

                             Z. Genc RULI

                             Ministrit te Bujqesise, Ushqimit dhe Mbrojtjes

                             se Konsumatorit

                             Z. Jemin GJANA

       Per dijeni:     Kryeministrit te Republikes se Shqiperise

                             Z. Sali BERISHA

                    Te nderuar Zoterinj!

Avokati i Popullit ne kuader te mbrojtjes se te drejtave te konsumatoreve, eshte perpjekur vazhdimisht qe ato te gjejne respektin dhe garancite e duhura ne veprimtarine e organeve te administrates publike, gjate permbushjes se detyrimeve qe burojne nga aktet nderkombetare te ratifikuara dhe legjislacioni ne fuqi.

          Ne rrjedhim te ketij aktiviteti, e shoh me vend te kerkoj vemendjen tuaj ne lidhje me veprimtarine e Entit Rregullator te Telekomunikacioneve (ERT) per te vene ne zbatim detyrimet qe parashikon Neni 62 i Ligjit Nr.8618 dt.14.06.2000 “Per Telekomunikacionet ne Republiken e Shqiperise” per miratimin e nje metodologjie te re per caktimin e tarifave per organizmat private me fuqi te ndjeshme ne rrjetet publike telefonike te levizshme (mobile).

          Nga te dhenat zyrtare qe disponojme aktualisht, rezulton se me ane te Vendimit te Keshillit te Ministrave Nr.582 dt.21.08.2003 “Per Miratimin e Metodologjise se Rregullimit te Tarifave te Organizmave me Fuqi te Ndjeshme ne Treg, qe Ofrojne Sherbime Publike Telefonike te Qendrueshme dhe Linja me Qira” eshte miratuar metodologjia e organizmave me fuqi te ndjeshme ne rrjetin telefonik publik te qendrueshem (te palevizshem), duke nenkuptuar ne kete rast efektet e ketij akti vetem ndaj Shoqerise “Albtelekom sha”.

          Ne kushtet kur ne tregun e telekomunikacionit vendas operojne organizma me fuqi te ndjeshme ne rrjetet publike telefonike (mobile), per te cilat konsumatoret ankohen per tarifa te larta dhe realizimin e nje fitimi te paarsyeshem, Avokati i Popullit gjykon se rregullimi sa me i shpejte me akte nenligjore i metodologjise se caktimit te tarifave te tyre eshte nje detyre qe i perket si ERT-se si organ propozues ashtu dhe Keshillit te Ministrave si organi qe miraton akte te tilla.

Eshte fakt qe keto 5 vjet ERT nuk ka luajtur rolin e tij per te mbrojtur interesat e konsumatorit, duke vene nen kontroll operatoret private. Kjo mund te jete bere me dashje apo pa dashje siç doli edhe nga hetimi i Komisionit Parlamentar, por fakti eshte se edhe pas 1 viti e gjysem pas ketij komisioni, operatoret e telefonise celulare kane mundur te mos vihen nen kontroll per tarifat qe aplikojne. Ato ndonese me imazhin e vet shpallin publikisht se jane operatore me mbi 500.000 abonente, nuk e pranojne kete fakt kur shpallen si operatore me fuqi te ndjeshme ne treg nga ERT (pra zoteruese te mbi 25% te tregut) duke i kundershtuar vendimet e tij ne gjykatat shqiptare.

          Ne kete kuader, Avokati i Popullit, me qellimin e gjetjes se menyrave ligjore per mbrojtjen e te drejtave ekonomike te qytetareve nga abuzimet me tarifat e telefonise mobile, eshte angazhuar qe ne fillim te vitit 2005 te realizoje ne bashkepunim me ERT-ne nje plan veprimi per venien ne kontroll dhe uljen e ketyre tarifave. Fillimisht Avokati i Popullit ka konstatuar se ERT-ja ishte munduar te pajtonte firma te huaja me ane te prokurimit te drejteperdrejt per hartimin e nje metodologjie te caktimit te tarifave. Me tej kjo iniciative e prokurimit te drejtperdrejt eshte refuzuar pa arsye te besueshme per mendimin tone. Keshilli i Ministrave e ka arsyetuar kete duke u shprehur se “nuk ka kushte urgjence per prokurim te drejtperdrejt”, ndersa ne mendojme se pagesat teper te larta te shqiptareve per celularet jane nje urgjence e vonuar. Ndodhur perpara kesaj situate çeshtja kishte ngelur prej shume kohesh pezull. Ne vijim te bashkepunimit te ndersjelle midis Avokatit te Popullit dhe ERT-se eshte bere e mundur nxitja per pershpejtimin, perfundimin dhe kalimin per miratim ne Keshillin e Ministrave brenda vitit 2005 siç ka premtuar ERT, te dokumentit final te metodologjise se caktimit te tarifave per te bere te mundur venien e operatoreve AMC dhe Vodafone nen kontroll.

          Aktualisht ERT-ja ka shpallur fitues te tenderit te hapur nderkombetar nje Shoqeri Gjermane, e cila po vazhdon punen per hartimin e draftit te metodologjise brenda muajit Shtator. Me tej pas marrjes se oponencave nga operatoret per draftin e paraqitur, parashikohet qe ky i fundit te kaloje per miratim prane Keshillit te Ministrave.

          Avokati i Popullit duke pare periudhen e gjate nepermjet se ciles po behet e mundur miratimi i ketij akti, kerkon angazhimin e te gjithe partnereve te tjere ekzekutive per te arritur sa me shpejt ne interesin e perbashket te parandalimit te abuzimit me te ardhurat modeste te shqiptareve. Ne kete aspekt e shoh si detyrim kushtetues dhe ligjor qe çeshtja e paraqitur per sa me lart te gjeje gadishmerine dhe vemendjen e duhur per t'u trajtuar nga ana e pushtetit ekzekutiv, pasi kjo çeshtje krahas te tjerash perben nje hap te rendesishem ne intensifikimin e kontrollit shteteror mbi kompanite qe abuzojne ne tregun shqiptar te telekomunikacioneve.

          Duke besuar ne bashkepunimin Tuaj,