TIRANE

I nderuar Shkelqesi,

Me rastin e publikimit te Raportit Vjetor 2002, per te drejtat e njeriut, nga Departamenti i Shtetit, ne emer te Institucionit te Avokatit te Popullit, lutemi t’i percillni Departamentit te Shtetit falenderimet tona per vleresimin real te gjendjes se te drejtave te njeriut ne Shqiperi. Na vjen mire qe vleresimi i kesaj situate konvergon edhe me Raportin Vjetor te punes per vitin 2002, qe Avokati i Popullit paraqiti me 7 Prill 2003 ne Parlamentin shqiptar.

Problematikat qe evidentojne raportet e Departamentit te Shtetit per gjendjen e te drejtave te njeriut ne Shqiperi kane perbere gjithmone orientime per punen e Avokatit te Popullit. Po keshtu, edhe konkluzionet e raporteve te çdo viti kane qene e do te jene objektiva per punen tone ne lidhje me administraten shqiptare, me synim rritjen e standarteve te mireqeverisjes ne Shqiperi.

Me kete rast ju shprehim mirenjohjen per mbeshtetjen Tuaj personale, e shprehur kjo publikisht edhe ne vleresimin pozitiv qe bete ne adrese te Avokatit te Popullit ne takimin me studentet e Fakultetit te Sociologjise. Falenderimet tona shkojne edhe ne adrese te Z. Thomas Salinger, pjestar i Grupit te Miqve te Avokatit te Popullit, kontributi i te cilit ne faktorizimin gjithnje e ne rritje te Institucionit te Avokatit te Popullit eshte i pamohueshem.

Pranoni, Shkelqesi, sigurimet e konsiderates time me te larte.

                                                       Me respekt Juaji,

       Ermir  DOBJANI

  AVOKATI  I  POPULLIT