Raport

Nga data 19-22 tetor 2004 nje grup nga zyra e Ombudsmanit te Danimarkes vizitoi institucionin e Ombudsmanit shqiptar ne Tirane. Qellimi i vizites  ishte ndjekja  e zhvillimit pas perfundimit te programit Danida qe mbeshteti  fillimin dhe konsolidimin e Ombudsmanit shqiptar.

Grupi danez perbehej nga kryetari i grupit Jens Olsen, Drejtor i marredhenieve nderkombetare dhe Z. Christian Moller, menaxher i teknologjise informatike.

Gjate vizites u zhvilluan nje varg takimesh dhe diskutimesh.  Permbajtja e tyre eshte permbledhur shkurtimisht me poshte.

Permbledhje

U be takimi me Ombudsmanin e Shqiperise, Z. Ermir Dobjani – temat e diskutuara si me poshte:

- Zhvillimi i institucionit shqiptar dhe impakti i tij ne shoqerine shqiptare pas 5 vjetesh ekzistence. Nuk ka dyshim qe institucioni eshte kthyer ne nje faktor te rendesishem, nepermjet nje  perpjekje shume te vendosur  si per trajtimin e rasteve ashtu edhe per marredheniet me publikun.              Z. Dobjani mbaron mandatin e tij 5 vjecar ne shkurt 2005 dhe do te kandidoje per nje mandat te ri.  Z. Dobjani permendi hapjen e zyrave rajonale si nje prioritet te mundshem per periudhen tjeter te kohes ne te ardhmen.

-Marredheniet me jashte, kohet e  fundi z. Dobjani dhe z. Artur Lazebeu, Shef i Kabinetit, moren pjese ne nje seminar ne Jordani lidhur me ngritjen e mundshme te institucionit te ombudsmanit ne Jordani. Institucioni shqiptar ka qene gjithashtu nje force levizese per nje projekt rajonal qe perfshin institucionet e vendeve perreth – ky projekt eshte pezulluar perkohesisht por  ka shume mundesi te kthehet ne jete.

Grupi danez pati nje diskutim te frutshem dhe te gjate  me z. Dobjani dhe         z. Lazebeu lidhur me temen e eksportimit te konceptit te Ombudsmanit,   te mbeshtetjes dhe shkembimit  te experiences me institucione te ngjashme. Mendimi i grupit Danez eshte shume pozitiv ne konstatimin se si institucioni shqiptar e ka konsoliduar tashme veten ne ate menyre sa te jete ne gjendje te ofroje mbeshtetjen dhe eksperiencen e vet jashte shtetit.

Grupi danez u takua  me komisioneret e Ombudsmanit shqiptar per te diskutuar nder te tjera  zhvillimin ne numrin e rasteve dhe te tematikave te rasteve. U diskutuan disa shembuj rastesh. Komisioneret  e informuan grupin danez se perafersisht nje e katerta e rasteve te perfunduara kane qene zgjidhur ne favor te ankuesit gje qe çoi  ne nje shkembim pikepamjesh se si te matesh suksesin e nje institucioni ombudsmani.

Gjithashtu u diskutua mbi rastet me iniciative, zhvillimin ne metodat  e punes dhe çeshtjet e antikorrupsionit.

U be nje takim me stafin e juristeve ku u shkembyen pikepamje mbi perceptimin e tyre per punen dhe zhvillimin e institucionit  si dhe per perdorimin e sistemit kompjuterik.

Se fundi, grupi danez pati nje takim me z. Anastas Leka, menaxherin e sistemit kompjuterik, ku u diskutuan nje numer tematikash ne detaje. Ketu perfshihet procedurat e ruajtjes se te dhenave, kapaciteti i bazes se te dhenave, zhvillimi i sistemit, strategjia IT, procedurat e prokurimit etj. Gjithashtu u diskutua  nje çeshtje ende e paperfunduar qe eshte ajo e mirembajtjes se sistemit.

Shkembimi i mendimeve dhe keshillimet midis z. A. Leka  dhe institucionit danez kane qene ne vazhdim gjate gjithe kohes se perfshirjes  se institucionit te ombudsmanit danez ne Shqiperi dhe do te vazhdojne.

Konkluzioni

Per mendimin e grupit, misioni  ne Tirane ishte shume i frutshem. Shkembimi i mendimeve midis te dy institucioneve vazhdon te sherbeje si inspirim dhe megjithe nje lloj reserve lidhur me  çeshtjen e buxhetit qe perben nje kerkese, grupi danez ndan me institucionin shqiptar te njejtin qendrim pozitiv per punen ne te ardhmen. Ne pritje te rezultatit te zgjedhjes se Ombudsmanit Shqiptar ne 2005, grupi danez do te vazhdoje te kerkoje mundesite e bashkepunimit midis institucionit danez dhe atij shqiptar ne fushen e marredhenieve nderkombetare.

10 nentor 2004

Jens Olsen    Christian Møller