I nderuar Z. Minister,

Ne kuadrin e reformimit te legjislacionit tone te brendshem i nje rendesie te posaçme paraqitet dhe Ligji Nr. Nr. 8510, date 15. 7. 1999 “Per pergjegjesine jashtekontraktore te organeve te administrates shteterore”.

Nga praktika jone verejme se jane te pakta rastet kur organet e administrates publike proçedojne me qellim qe te njohin pergjegjesine e tyre per demet jashtekontraktore te shkaktuara me veprimet e tyre personave fizike e juridike private.

Por ne te njejten kohe çeshtja qe eshte me delikate ne kete moment, paraqitet fakti qe shlyerja e detyrimeve nuk realizohet per faktin e mungeses se te hollave ne buxhetin e shtetit. Kjo eshte nje situate qe aktualisht paraqitet problematike dhe persa i perket ekzekutimeve te vendimeve gjyqesore te formes se prere ku debitore jane organet e administrates shteterore.

Nisur nga kjo, ligji parashikon se Vendimi i organit te administrates shteterore per njohjen e pergjegjesise ne shkaktimin e demit, per pagimin e demshperblimit perkates dhe te mases se tij, perben titull ekzekutiv.

Lidhur me kete neni Neni 20 parashikon se “Te gjitha detyrimet per shkaktimin e demit, qe organet e administrates shteterore kane kundrejt personave fizike a juridike private, ne rast se nuk paguhen menjehere per pamundesi financiare, futen si ze i veçante ne ligjin e buxhetit te shtetit ne vitin pasardhes”.

Per te bere te mundur futjen ne nje ze te vecante ne ligjin e buxhetit te shtetit te detyrimeve qe rrjedhin nga demet jashtekontraktore te organeve te administrates shteterore, ligji ne fjale parashikon ne Nenin 21 se “Ne fund te çdo viti financiar, organet buxhetore dorezojne ne Ministrine e Financave, se bashku me kerkesen per financim nga buxheti i shtetit edhe kerkesen per sigurimin e fondeve buxhetore per detyrimet e tyre ndaj personave private”.

Sa me siper per te krijuar nje ide te qarte ne lidhje me kete problem kerkojme nga ana juaj nje informacion ne lidhje me faktin se a jane depozituar prane Ministrise tuaj kerkesa per sigurimin e fondeve buxhetore per detyrimet e tyre ndaj personave private si pasoje e demit jashtekontraktore dhe nese po cilat jane keto institucione.

Ne te njejten kohe me rendesi per ne do te ishte nese ju do te na informonit qe sa keto kerkesa jane pranuar, pra cili ka qene qendrimi i Ministrise se Financave ne lidhje me keto kerkesa.

Lutemi qe informacioni te perfshije vitet 2001, 2002 dhe 2003.

           Duke ju falenderuar per bashkepunimin, lutemi qe informacioni i kerkuar te na vihet ne dispozicion ne nje kohe sa me shpejte.

AVOKATI  I  POPULLIT

        Ermir  DOBJANI