Tiranë, më 09/03/2004

Nr. K2/F6-4 Prot.

Nr. Dok. 200400297/4

Lenda:      Kërkohet asistencë juridike për të ndihmuar familjaret e

                 viktimave te minieres se bitumit Selenice, per ngritjen e padise

                 civile ne proçesin penal.

Drejtuar :     Kryetarit te Dhomes te Avokatisë

                           Z. Kastriot   BRAHIMUÇO

                                                                   V L O R Ë

            Z. BRAHIMUÇO!

            Në Institucionin e Avokatit te Popullit familjaret e viktimave Eduard Memaj dhe Refat Tozaj, që kanë humbur jetën si pasoje e shkeljes se rregullave te mbrojtjes ne punë ne minieren e Selenices, ngjarje e ndodhur me daten 23 shkurt 2004, kane paraqitur kerkese dhe kerkojne nderhyrjen tonë per realizimin e ngritjes se padise civile ne proçesin penal, kunder personave te marre ne pergjegjesi penale per shperblimin e demit te shkaktuar.

            Duke ndjekur shqetësimin familjarëve te viktimave unë kam rekomanduar Prokurorit te rrethit Vlorë për ngritjen e padise civile në proçesin penal dhe vendosjen e sekuestros në pronat dhe pasurinë e shoqerisë franceze të minierës së bitumit Selenicë.

            Siç dihet neni 61 i Kodit te Proçedures Penale, te drejtën për ngritjen e padisë civile ne proçesin penal në rastin konkret e kane pjestarë te familjes se viktimave apo minatoreve te demtuar, por duke patur parasysh fatkeqesine e ndodhur dhe pamundesine financiare te tyre, do te ishte humane ndihma e juaj apo nje avokati te caktuar nga ju, per asistence juridike, per t’ju drejtuar Prokurorise Vlorë me qellim ngritjen e padise civile ne proçesin penal dhe vendosjen e sekuestros ne pasurine e shoqerise franceze pronare e minieres se bitumit Selenicë.

            Duke besuar në mirëkuptimin tuaj.

                                                             AVOKATI   I   POPULLIT

                                                                                   Ermir   DOBJANI