Lënda:    Mbi një aktivitet të përbashkët

Drejtuar:  Ministrit të Pushtetit Lokal

Zotit Bashkim FINO

Ministrit te Bujqesise dhe Ushqimit

Zotit Lufter XHUVELI

Kryetarit te Komitetit Shteteror te Kthimit e

Kompensimit te Pronave ne Kryeministri

Zotit Robert BITRI

                                                     Tiranë

Duke patur parasysh interesin e përbashkët për forcimin e veprimtarisë së Administratës Publike, mbi bazën e parimeve të shtetit ligjor, kemi menduar që në bashkëpunim me Institucionet tuaja, të organizojmë një seminar të përbashkët për ankesat dhe kërkesat në lidhje me tokat, trojet dhe komisionet perkatese te Kthimit dhe Kompensimit te Pronave dhe nevojat e permiresimit te legjislacionit ne keto fusha.

           Pjesëmarrës në këtë seminar do të jenë: stafi i Avokatit të Popullit dhe nga stafet tuaja. Kurse të ftuar do të jenë nga Komisioni i Ligjeve në Parlament, Ministria e Drejtesise, Ministria e Puneve Publike, Ministria e Rendit Publik, zyrat e rregjistrimit te pasurive te paluajtshme dhe perfaqesues nga 12 Qarqet, 65 Bashkite dhe 309 Komunat e vendit si dhe OJQ te interesuara.

Duke qenë bashkëorganizatorë, përballimi i shpenzimeve do të bëhet nga Avokati i Popullit nëpërmjet Danidës si dhe nga Institucionet tuaja .

Ne mendojmë se ky seminar duhet përgatitur të mbahet në Tiranë, për 1 ditë, në fund te 3 mujorit te pare të vitit 2001. Megjithatë për të përcaktuar të gjitha modalitetet e duhura, nga ana jonë është caktuar Komisioneri që mbulon këto probleme, zoti Agron Çaushi.

Duke besuar se nuk do të mungojë predispozicioni dhe dëshira juaj per këtë aktivitet, lutemi na dërgoni deri në datën 30 Janar 2001 opinionet tuaja si dhe emrin e përfaqësuesit tuaj për realizimin e këtij projekti.

                                                              AVOKATI I POPULLIT

                                                                  Ermir DOBJANI