I nderuar Zoti Kryeminister!

           Ne funksion te misionit tone Kushtetues, por njekohesisht shume fisnik, per mbrojtjen e te drejtave dhe lirive te njeriut ne Republiken e Shqiperise, gjate veprimtarise se vitit 2001, Institucioni yne, nga ankesat dhe kerkesat e shtetasve ka nxjerre disa probleme, zgjidhja e te cilave varet nga Qeveria.

Per kete arsye, ne zbatim te nenit 63 te Kushtetutes qe percakton se “Avokati i Popullit ka te drejte te beje rekomandime dhe te propozoje masa kur veren shkelje te te drejtave dhe lirive te njeriut nga administrata publike”, si dhe pikave “a” dhe “b” te nenit 24 te ligjit 8454, dA.02.1999 “Per Avokatin e Popullit”, i kemi rekomanduar ish-Kryeministrit Meta 9 çeshtje per te cilat ka qene e nevojshme iniciativa per pergatitjen e ligjeve, per nxjerjen e akteve nenligjore apo marrjen e masave organizative brenda kompetencave te tij.

Per fat te keq mbase, per shkak te vete problemeve me natyre politike qe ka patur Qeveria paraardhese, deri tashme nuk kemi marre ndonje pergjigje zyrtare per keto çeshtje, duke mos zbatuar nenin 63/4 te Kushtetutes dhe nenin 22 te Ligjit “Per Avokatin e Popullit”.

Duke njohur personalisht bindjet tuaja te thella per domosdoshmerine e zbatimit te te drejtave te njeriut, respektimit te institucioneve kushtetuese, ne te mire te parimit te mireqeverisjes, menduam t’ju dergojme kopjet e materialeve te siperpermendura. Ne kete menyre mendojme se Ju japim edhe nje mundesi me teper per te konstatuar masen e angazhimit ne pune te administrates ne vartesine tuaj, e cila duhet te jete efiçente, per te zgjidhur problemet dhe respektuar institucionet e shtetit, pavaresisht nga nderrimi i funksionareve politike.

Duke besuar se gjithçka qe kam shkruar do te vleje dhe do te interpretohet ne sherbim te qellimit te perbashket per ngritjen e standarteve te mireqeverisjes, lutemi pranoni edhe njehere urimet me te mira per suksese ne kryerjen e detyres Tuaj te larte.

Mbetemi ne pritje te angazhimit tuaj.

AVOKATI  I  POPULLIT

       Ermir  DOBJANI