I nderuar Z. Ministër!

Kuvendi i Shqipërisë ka ratifikuar me Ligjin Nr.9094 dt.03.07.2003 “Protokollin Opsional të Konventës Kundër Torturës dhe Trajtimit ose Dënimit të Egër, Çnjerëzor ose Poshtërues (OPCAT)”. Qëllimi i këtij Protokolli është vendosja e një sistemi të rregullt vizitash të ndërrmarra nga organe të pavarura kombëtare në ambjente ku njerëzve u është privuar liria, me synimin që të parandalohet tortura dhe trajtimi ose dënimi i egër, cnjerëzor ose poshtërues.

Në nenet 2 dhe 16 të këtij Protokolli parashikohet se çdo Shtet Palë ka detyrimin të marrë masa të efektshme për të parandaluar aktet e torturës ose trajtimit apo dënimit të egër, cnjerëzor ose poshtërues në të gjithë territorin nën juiridiksionin e tij.

Gjithashtu, Neni 17 i këtij Protokolli detyron çdo Shtet Palë të emërojë ose krijojë mekanizmin e pavarur kombëtarë parandalues.

Në përmbushje të detyrimeve të mësiperme, ju njoftojmë se Institucionit të Avokatit të Popullit i është ngarkuar në janar të vitit 2008 detyra e Mekanizmit Kombëtar për Parandalimin e Torturës (MKPT). Për kete qellim Avokati i Popullit ne janar 2008 krijoi Njesinë per Parandalimin e Tortures si strukturë e veçantë ne permbushje te rolit të tij si MKPT, e cila aktualisht është kompletuar pjesërisht me stafin perkatës dhe po vijon punën normalisht .

Në mars 2008, u miratua nga Kuvendi i Shqiperisë Ligji nr.9888 datë 10.03.2008 “ Për disa shtesa dhe ndryshime në Ligjin nr.8328, datë 16.04.1998 “Për të Drejtat dhe Trajtimin e të Dënuarve me Burgim”, ku në nenet 74.1, 74.2, 74.3 u përcaktuan kompetencat dhe garancitë e Mekanizmit, si dhe format e mbikqyrjes se ambjenteve te burgjeve dhe paraburgimit gjithmonë nën autoritetin e Avokatit të Popullit.

Nderkohe ju bëjme me dije se Avokati i Popullit ka filluar te permbushë veprimtarine e tij si MKPT duke kryer inspektime dhe vizita te veçanta ne disa prej ketyre institucioneve. Gjithashtu kemi marrë pjese në disa tavolina të përbashkëta të organizuara nga Ministria e Puneve të Jashtme për pregatitjen e raportimeve të ardhshme pranë Komitetit kundër Torturës (CAT) OKB dhe Komitetit për Parandalimin e Torturës (CPT) pranë Këshillit të Europës.

Nisur nga këto zhvillime, sugjerojmë që në zbatim të detyrimeve ndërkombëtare të njoftoni zyrtarisht Sekretariatin e Pergjithshëm të OKB-së dhe institucionet e tjera ndërkombëtare që merren me parandalimin e torturës për evenimentin e ngritjes dhe vënies në funksionim të Mekanizmit Kombëtar për Parandalimin e Torturës pranë Avokatit të Popullit të Republikës së Shqipërisë.

Njoftimi zyrtar që duhet të kryhet nga ana Juaj, i hap rrugën fillimit të një bashkëpunimi të ngushtë me organizmat ndërkombëtarë për çështjet e monitorimit, parandalimit dhe raportimit te rasteve te torturës në vendin tonë.

            Ky njoftim na eshte kerkuar qe te behet sa me shpejt zyrtarisht edhe ne takimet tona me partneret nderkombetare te interesuar, me qellim qe te perfitohet edhe nga projektet per trajnime etj.

            Duke besuar në bashkëpunimin Tuaj,

                                                           Me respekt

AVOKATI  I  POPULLIT

        Ermir  DOBJANI