Bashkëlidhur po ju dërgojmë mendimet e Avokatit të Popullit për përmirësimin e projekteve të përgatitura “ Për disa ndryshime  në ligjin nr.7698, dt.15.04.1993 “Për Kthimin dhe Kompesimin e Pronave ish-pronarëve” dhe “Për disa ndryshime në Ligjin nr.7699, dt.21.04.1993 “Për kompesimin në vlerë ose me troje të ish-pronarëve të tokave bujqësore, kullotave, livadheve, tokave pyjore dhe pyjeve”.

           Mendimet tona jane rradhitur sipas neneve te projekteve qe na jane derguar.

           Ju bejme te ditur se paraprakisht, qe ne fazen e hartimit te projekteve nga Qeveria, i kemi derguar zv. Kryeministrit, z. Gjinushi, propozimet tona, mjaft prej te cilave jane pasqyruar ne kete projekt qe ka derguar Qeveria prane Jush.

           Megjithate, ne insistojme qe te mbahen paraysh edhe keto propozime qe po ju dergojme bashkelidhur, te cilat nuk jane pasqyruar ne projektin e Qeverise.

                                                                          Me respekt

AVOKATI  I  POPULLIT

        Ermir  DOBJANI

______________________________________________________________

Mendime për ndryshime në projekt- ligjin "Disa ndryshime në Ligjin nr.7698, dt.15.04.1993 "Për Kthimin dhe Kompesimin e pronave ish-pronarëve."

Lidhur me projekt ligjet e paraqitura mendojmë të bëhen ndryshimet dhe shtesat si më poshtë:

NENI 3

Në paragrafin e dytë të projektit, pas fjalëve "datë.15.04.1993" të shtohen fjalët "ose të marra pa të drejtë nga shteti në cdo mënyrë tjetër."

NENI 7

Në projekt ligj, paragrafi i dytë i nenit 7 ndryshohet si më poshtë: "Kur ndërtesat nuk janë shembur dhe nuk janë blerë nga shteti, edhe kur përdoren për qëllime publike, u njihet pronësia ish-pronarëve."

NENI 10

Ky projekt-nen të ndyshoje si më poshtë:

"Kur ndërtesat e pronarëve janë tjetërsuar te persona të tretë, ato u kthehen pronarëve, ndërsa shteti u kthen personave te tretë vlerën reale të objektit në përputhje me vlerën e tregut.

Nëse personi i tretë nuk është dakort me masën e kësaj vlere, ka të drejtë brenda 30 ditëve nga njoftimi të vendimit të Komisionit të Kthimit dhe Kompesimit të Pronave prane Qarkut, t'i drejtohet Gjykatës."

NENI 11

Në paragrafin e parë, shtohet një fjali: "Kundër vendimit të Komisionit të Kthimit dhe Kompesimit të Pronave pranë Qarkut për masën e shpërblimit, personi i tretë ka të drejtë që brenda 30-ditëve nga marrja dijeni i vendimit, t'i drejtohet Gjykatës nëse nuk është dakort me këtë masë."

Në këtë nen fjalia: "Ngarkohet Këshilli i Ministrave për nxjerrjen e akteve nënligjore përkatëse" të hiqet.

NENI 13

Në fund të pikës "D" të shtohet fjalia: "Kundër mënyrës e masës së kompesimit pronari ka të drejtën e ankimit në gjykatë brenda 30­ditëve nga marrj a dij eni".

NENI 15

Mbas fjaleve: "të Pronave" shtohet fjalia: "Detyrat, kompetencat, organizimi dhe përberja e këtij Komiteti, përcaktohen me vendim të Këshillit të Ministrave".

NENI 16

Në paragrafin e parë, të dytë, të tretë dhe të pestë pas fjalëve: "të pronave" të shtohen fjalët: "të Qarkut".

Po në këtë nen, paragrafi i katërt të hiqet.

Në fund të paragrafit të tretë dhe të pestë, të shtohen fjalët: " brenda 30-ditëve nga marrja dijeni."

Pas nenit 18 të shtohet një nen me këtë përmbajtje " Ngarkohet Këshilli i Ministrave që brenda një muaji nga hyrja në fuqi e këtij ligji, të nxjerrë Ate nënligjore në zbatim të tij".

Në projekt-ligj të shtohet një nen me këtë përmbajtje: "Procesi i Kthimit të Pronave të përfundojë brenda datës _______            ".

Mendojmë se në këtë mënyrë që është redaktuar ky projekt-ligj, duke mos i dhënë fuqi prapavepruse, sjell diferencim në trajtimin e pronarëve, lidhur me masën e kthimit të pronave, midis pronarëve të cilëve ju jane kthyer ato me vendim të Komisioneve përkatëse siç parashikonte lig'ji, si edhe pronarëve që do të trajtohen me këtë projekt. Mendojmë se ky problem, i fuqisë prapavepruese të ligjit, duhet patur parasysh në redaktimin përfundimtar të projektit.

MENDOJMË:

Meqë sugjerimet tona të mëparëshme kanë gjetur vend në projekt ligjin e paraqitur, kemi vetëm sugjerimin që pas nenit 2 të shtohet një nen me këtë përmbajtje:" Brenda një muaji nga hyrja në fuqi i këtij ligji, Këshilli 1 Ministrave të nxjerrë aktet nenligjore në zbatim të tij".