Ne Institucionin e Avokatit te Popullit, ka paraqitur nje ankese shtetasi Bujar Hasaj, Administrator i Shoqerise "Eurovini" Sh.p.k, duke parashtruar se megjithese disponon license te rregullt dhe eshte pronar i truallit ku ka vendosur impiantet e thyerjes e te fraksionimit te zhavorrit, Policia e Ndertimit Tirane, pa marre parasysh ligjin, nepermjet dy shkresave, ka urdheruar pezullimin e veprimtarise se subjektit dhe çmontimin e menjehershem te impiantit te thyerjes dhe fraksionimit te zhavorrit.

Po keshtu, prane Shoqates se Ndertuesve te Shqiperise, jane te shumta ankesat e anetareve te saj si subjekte te licensuara qe ushtrojne veprimtarine e tyre ne fushen e inerteve, te cilet pretendojne se ne kundershtim me ligjin u eshte pezulluar veprimtaria dhe jane urdheruar te çmontojne impiantet e thyerjes dhe fraksionimit te zhavorrit.

Duke marre shkas nga keto pretendime, pasi beme verifikimet e nevojshme na rezultoi se Policia e Ndertimit Tirane ka vepruar ne zbatim te VKM Nr.441 dt.26/09/2002 dhe mendojme se :

Vendimi i mesiperm i Qeverise, eshte nxjerre ne kundershtim me nenin 118 te Kushtetutes se Republikes se Shqiperise, sepse nuk ka pasur aspak parasysh ligjin Nr.8093 dt.21/03/1996 "Per rezervat ujore", i cili ne nenin 6 te tij percakton mjaft qarte se: "Keshilli Kombetar i Ujit eshte organi qendror vendimor per administrimin e rezervave ujore. Keshilli Kombetar i Ujit drejtohet nga Kryetari i Keshillit te Ministrave". Pra organi qe mund te marre vendime dhe qe duhet te administroje rezervat ujore eshte percaktuar nga ligji dhe eshte Keshilli Kombetar i Ujit dhe jo Qeveria.

Ky tejkalim kompetence nga pikepamja proceduriale eshte shoqeruar dhe me shkelje te renda kushtetuese e ligjore edhe ne permbajtjen e Vendimit Nr.441 dt.26/09/2002, pika 1 dhe 2 e me konkretisht:

Pika 1. percakton : "Ndalimin e menjehershem te veprimtarise se shfrytezimit te reres dhe zhavorrit ne shtreterit e te gjithe lumenjve ".

Ne vleresojme se shtrirja pa kufizim e ketij ndalimi per te gjithe subjektet pa dallim, si ne kohe, ashtu edhe ne objekt (te gjithe lumenjve) demton edhe ato subjekte qe jane te licensuara, qe kane shfytezuar shtreterit e lumenjve per prodhimin e reres dhe zhavorrit sipas parametrave shkencore dhe kur nga ky shfrytezim nuk ka ardhur ndonje pasoje konkrete. Thene me shkurt, ky ndalim "En block" penalizon pa te drejte te gjithe subjektet, pa bere dallim, ne nje kohe qe eshte deklaruar dhe vertetuar shkencerisht se shfrytezimi i disa lumenjeve nuk krijon asnje pasoje te demshme por e kunderta.

Pika 2. percakton : "Çmontimin e te gjitha impianteve te thyerjes dhe fraksionimit te zhavorrit qe nxirret nga shtreterit e lumenjeve, deri me dt.31/12/2002 ".