FJALA E AVOKATIT TE POPULLIT NE AKTIVITETIN ME KOMITETIN SHQIPTAR TE HELSINKIT

Tirane, 29 Maj 2008

Bashkepunimin me Komitetin Shqiptar te Helsinkit e Konsiderojme te Frutshem dhe te Domosdoshem

Të nderuar të pranishëm,

Në vendin tonë nocioni i mbrojtjes me transparencë të të drejtave të individëve nga fuqia e abuzimit të shtetit është relativisht i ri. Përmirësimi i mëtejshëm i gjëndjes së të drejtave të njeriut në Shqipëri, varet gjerësisht nga njohja dhe respektimi i shtetit të së drejtës dhe të drejtave të njeriut. Kjo nenkupton njekohesisht edhe bashkepunimin e te gjithe faktoreve te shqorise civile, si institucione mbrojtese te te drejtave te njeriut ne vend.

Duhet thenë se legjislacioni i të drejtave të njeriut në Shqipëri, është modern, si rezultat i bashkimit (shkrirjes) të të gjitha standarteve ndërkombëtare të të drejtave të njeriut. Në Kushtetutë është parashikuar edhe se normat dhe parimet e njohura nga e drejta ndërkombëtare dhe marrëveshjet ndërkombëtare të njohura prej Shqipërisë janë pjesë përbërse e sistemit ligjor të vendit si dhe këto norma kanë prioritet ne krahasim me legjislacionin e vendit. Megjithatë për aplikimin direkt nga gjyqësori dhe administrata publike të standarteve ndërkombëtare për mbrojtjen reale të të drejtave të njeriut në Shqipëri, ka akoma shumë për të bërë.

Avokati i Popullit, si i vetmi institucion kombëtar me status kushtetues për mbrojtjen e lirive dhe të drejtave të njeriut në Shqipëri, eshte shprehur në lidhje me gjendjen e të drejtave dhe lirive të individëve në Shqipëri duke u bazuar jo vetëm në ankesat e paraqitura tek Institucioni ynë, por dhe në informacionet e marra nga organizatat jofitimprurëse për fusha të veçanta të së drejtës, nga sondazhet dhe informacionet e publikuara në Mediat shqiptare, si dhe në raportet e organizmave dhe institucioneve prestigjioze që analizojnë gjendjen e të drejtave dhe lirive të njeriut në Shqipëri. Ndër to ben pjese edhe Komiteti Shqiptar i Helsinkit, me te cilin, krahas bashkepunimit te vazhdueshem per shkembimin e informacionit lidhur me gjendjen e te drejtave te njeriut ne vend, kemi bërë kontrolle në burgje dhe dhoma paraburgimi pas informacioneve te KShH, si edhe për Romët. Kemi realizuar edhe aktivitete konkrete, me përmasa të mëdha sikunder ka qene Konferenca Kombetare per ekzekutimin e vendimeve gjyqësore te formes se prere ne mbrojtje te te drejtave te njeriut (2003). Gjithashtu kemi bashkevepruar ne vitin 2006, per te dërguar ne Gjykaten Kushtetuese tre vendime te qeverise, te ashtuquajtura per te luftuar nepotizmin, të cilat kjo Gjykatë i shfuqizoi.

Te nderuar te pranishem,

Roli i Komitetit Shqiptar te Helsinkit ne Shqiperi i ka fillimet e tij qysh me lejimin e pluralizmit ne vendin tone. Sapo ky Komitet u shfaq ne jeten publike shqiptare, individet e identifikuan ate me dimensionin nderkombetar dhe universal te te drejtave te njeriut. Duke sherbyer si organizate monitoruese e respektimit te te drejtave te njeriut, KSHH ka mundur të ofrojë ekspertizën e saj në drejtim të përmirësimit të ligjeve dhe respektimit më të mirë të të drejtave të njeriut.

Le t'i referohemi vetem nje momenti. Liritë dhe të Drejtat Politike, si e drejta e zgjedhjeve, e organizimit, e tubimeve dhe manifestimeve paqësore, janë të garantuara me ligj. Të gjitha institucionet publike punojnë që ato të respektohen. Për fat të keq për zgjedhjet vazhdojnë diskutimet dhe dyshimet, mungesa e besimit reciprok, rrjedhur nga proçeset elektorale të shkuara. Natyrisht ka dhe do të ketë opinione të ndryshme në këto drejtime, sidomos nga partite politike. Avokati i Popullit, ashtu si edhe Komiteti Shqiptar i Helsinkit, ka zbatuar dhe është mbështetur fort në parimin e paanësisë, për të mos u kompromentuar në pakënaqësitë e natyrshme të partive politike, që gjithmonë shoqërojnë garat elektorale për pushtetin qëndror apo atë vendor. Megjithate, duke iu referuar vonesave në zgjidhjet politike, qe kane shkaktuar probleme në zgjedhjet, sikuder jane ato klasiket, pra mungeses së kartave të identitetit dhe Rregjistrit Kombëtar te Zgjedhësve, si Avokati i Popullit, ashtu edhe KSHH nuk kane munduar ta ngrene zerin e tyre civil dhe qytetar.

Si perfundim do te thoja se megjithë përmirësimet e gjendjes së të drejtave të njeriut ne vend, shoqëria shqiptare ka nevojë për një organizatë vëzhguese si Komiteti Shqiptar i Helsinkit.

Ky komitet ka nevojë të mbështetet që të veprojë sa herë që vihet re shkelje të të drejtave të njeriut, dhe ne do ta bejme kete, ashtu sikurse ftojme edhe te gjithe partneret e tjere te ketij Komiteti te veprojne ne kete drejtim.

Integrimi në familjen Europiane kërkon monitorimin e respektimit të detyrimeve në fushën e të drejtave të njeriut. Paanshmeria, objektiviteti, serioziteti, roli i Komitetit Shqiptar te Helsinkit do te jene te domosdoshem ne kete proces.

Faleminderit.

AVOKATI I POPULLIT

Ermir DOBJANI