FJALA E AVOKATIT TE POPULLIT, Z. ERMIR DOBJANI NE KONFERENCEN ME TEME:

“Monitorimi i Trajtimit nga Administrata Publike i Rekomandimeve te Avokatit te Popullit”

  - organizuar nga Qendra Shqiptare per Kerkime Ekonomike -

Golem, Kavaje, 18 Maj 2007

Te nderuar pjesemarres,

Me lejoni qe ne fillim te fjales time te pershendes dhe vleresoj nismen e Qendres Shqiptare per Kerkime Ekonomike per organizimin e kesaj konference, si per tematiken e zgjedhur ashtu dhe per punen paraprake qe i ka paraprire ketij aktiviteti.

Duke ndjere pergjegjesine institucionale si Avokat i Popullit, si organ kushtetues i parashikuar per te ndikuar ne rritjen e standarteve te mireqeverisjes ne vend, e kam mirepritur nje analize te tille, me shume per faktin qe kjo ndermerrej nga nje organ i shoqerise civile. Pra analiza u bë nga nje sy i jashtem, i cili natyrisht ka me shume gjasa per te evidentuar me objektivitet, si problematiken e Institucionit te Avokatit te Popullit, ashtu edhe qendrimin e  administrates publike shqiptare ndaj rekomandimeve te tij.

Rekomandimi i Avokatit te Popullit eshte instrumenti i perditshem ne duart e ketij Institucioni per te evidentuar shkaqet e mospajtimeve apo te perplasjeve individ-administrate publike, permes te cilit, pas nje investigimi te paanshem ligjor, synohet t’u vihet ne ndihme edhe qytetareve qe jane ankuar, edhe autoriteteve publike per te permiresuar performancen e tyre qeverisese ne nivel vendor dhe qendror.

I parashikuar te jete nje Institucion i kontrollit dhe balances se pushteteve, Avokati i Popullit kurresesi nuk mund te marre atribute vendimmarrese dhe imponuese, pasi ne kete rast do te dilte nga natyra e tij. Per pasojë, skema klasike e ndarjes se tre pushteteve do te pesonte nje deformim te papranueshem, si nga pikepamja e doktrines, ashtu edhe nga pikepamja e funksionimit konkret dhe praktik te tij. Kjo ka qene dhe mbetet aresyeja qe ne, vazhdimisht ne veprimtarine tone, gjatë trajtimit me seriozitet profesional te ankesave te qytetareve, në partneritet me administratën publike shqiptare jemi munduar te bashkepunojme ngushte edhe me median, me shoqerine civile, por edhe me faktorin nderkombetar. Ne mendojme se standartet ndërkombëtare i kemi plotesuar, jo thjesht per faktin se ekzistojme prej shtate vitesh, por mbi te gjitha per mirefunksionimin tone si zyre dhe pike reference e besueshme si per faktorin e brendshem, ashtu dhe ate nderkombetar, i cili raportet e veta per Shqiperine i perditeson vazhdimisht me te dhenat tona te besueshme, qe ne i kemi bere te njohura si në Mediat por dhe gjate raportimeve vjetore ne Parlamentin shqiptar. E kemi thene dhe e themi hapur se ne bisedimet me faktorin nderkombetar ne vend, dy jane pyetjet qe na shtrohen kryesisht: “Sa rekomandime keni paraqitur?” dhe “Cfare qendrimi mbajne autoritetet publike ndaj rekomandimeve tuaja?”. Qe ketej, besoj se te gjithe mund te nxjerrim perfundimin se qendrimi i administrates publike ndaj rekomandimeve te Avokatit te Popullit shpreh mbi te gjitha emancipimin dhe pergjegjshmerine e kesaj administrate ne raport me standartet e mireqeverisjes, e cila tashme trajtohet si e drejte e njeriut dhe jo thjesht si problem i brendshem administrativ.

Te nderuar zoterinj,

Duke vleresuar qellimin e ketij aktiviteti per te thelluar dialogun ndermjet paleve te interesuara, veçanerisht ne drejtim te trajtimit te kerkese/ankesave te qytetareve per problemet e tyre me Zyrat e Regjistrimit te Pasurive te Paluajtshme, une në përgjithësi jam dakort me gjetjet e studimit qe paraqitet sot para jush. Shkurt do te vleresoja se problematika jone ka rezultuar ne faktin se nga njera ane kemi patur ankesa te pabazuara per faktin se qytetaret nuk kane paraqitur dokumentacion te plote per t’i bazuar ankesat e tyre; nga ana tjeter ka patur edhe ankesa te drejta, per te cilat ne kemi bere rekomandime, disa nga te cilat jane pranuar nga zyrat ne fjale, disa te tjera jane refuzuar ne heshtje, pra duke mos kthyer pergjigje. Raporti ne fjale ka evidentuar dy raste te tilla. Pikerisht per keto probleme ne, pavaresisht verejtjeve tona thjesht profesionale, e vleresojme edhe nismen per ndryshimet ligjore si dhe vendimin dhe udhezimin perkates te Qeverise per regjistrimin online te ankesave prane Zyrave te Regjistrimit te Pasurive te Paluajtshme, pasi te gjitha keto ne fund te fundit jane perpjekje per te rritur cilesisht sherbimin ndaj qytetareve.

Edhe vete studimi, per te cilin jemi mbledhur sot, ka bere nje perpjekje te tille, duke kerkuar nxjerrjen e akteve te tilla qe shkojne ne te njejten linje. Nje pike e diskutueshme e studimit eshte analiza e shifrave, por gjithesesi edhe une nuk do te merrem me kete, pasi e di dhe e njoh subjektivitetin e pranueshem ne interpretimin e shifrave.

Domethenes eshte edhe fakti qe studimi ve ne dukje mungesen e nje ligji ose akti nenligjor të posaçëm per trajtimin e ankese/kerkesave te qytetareve nga institucionet e shtetit shqiptar. Faktikisht ekziston nje ligj i vitit 1983, i cili mendojme se duhet ripunuar duke qene objekt i punes se ligjvenesit, qofte edhe duke dale fillimisht si Rekomandim i Avokatit te Popullit.

Perfundimisht, duke e vleresuar kete studim si nje analize të vlefshme, të realizuar nga aktorë të jashtëm, per efikasitetin dhe produktivitetin real te veprimtarise se Avokatit te Popullit ne raport me një nëndegë të Administratës Publike, jam i prirur te fokusohem tek te gjitha ato gjetje, analiza e te cilave do te na bente te ndiheshim me te pergjegjshem dhe te punojme më me perkushtim profesional per respektimin e te drejtave te qytetareve dhe rritjen e standarteve te mireqeverisjes ne Shqiperi.

Ju faleminderit.

AVOKATI I POPULLIT

Ermir DOBJANI