FJALA E AVOKATIT TE POPULLIT Z. ERMIR DOBJANI MBAJTUR NE TRYEZEN E RRUMBULLAKET ME TEME:  

“Çështjet e Ratifikimit dhe botimit të akteve Nderkombetare per te Drejtat e Njeriut në Shqipëri”

- Organizuar nga Avokati i Popullit dhe Qendra Shqiptare 

"Fëmijët Sot"  -

Tirane, 08 Prill 2008

Te nderuar zonja e zoterinj,

            Më lejoni të vlerësoj inisiativën e Qendrës “Fëmijët Sot”, e cila kërkoi bashkëpunimin e Avokatit të Popullit për temën e kësaj Tryeze.

Gjithashtu të falenderoj gjithë personat pjesëmarrës që ju përgjigjën Ftesës tone.

Çështjet e të drejtave të njeriut në përgjithësi dhe ato të të drejtave të Fëmijëve në veçanti dihet se kanë marrë prioritet kudo sot në botë. Kjo përparësi është e ndjeshme edhe në Shqipëri, sot më shumë se kurrë. Në këto drejtime Shqipëria postkomuniste ka hedhur hapa të mëdhenj në rrugën e saj te hapjes dhe integrimit me boten demokratike.

Vendi yne, veç shkeputjes de jure nga praktika e legjislacionit te sistemit monist, ka punuar njekohesisht për adoptimin dhe pershtatjen me norma te reja, thellesisht demokratike, por njekohesisht edhe teper te rrepta per te konturuar ate qe te gjithe jemi mesuar ta quajme Shtet te se Drejtes, thene ndryshe Rule of Law.

          Por jo te gjithe e kanë te qarte, dhe fatkeqesisht vazhdojnë të jenë te paqarte, për faktin se Rule of Law ose Shteti i se Drejtes, ose ekziston si i tille ne teresine e tij, ose nuk ekziston. Kjo, ne konceptin e juristeve do te thote se nocioni Shtet i se Drejtes ne modelin e demokracise liberale, ofron shanse te barabarta per te gjithe dhe nuk pranon qe dikush te ndihet i privilegjuar ose i diskriminuar perballe ligjit, perndryshe shteti ne kete rast do te rezultonte te ishte “i kapur” apo “i mundur”.

          Ne vitin 2000, Avokati i Popullit, Institucioni i ri që zuri vend ne strukturen institucionale te shtetit tone demokratik, nje nder veprimet e para qe ndermori ishte shtyrja e afatit per qytetaret qe nuk kishin depozituar kerkesat per fitimin e statusit te te pastreheve prane Bashkise se Tiranes, vetem per faktin se vendimi perkates qe ua lejonte kete te drejte, nuk ishte njohur prej tyre pasi nuk ishte botuar ne Fletoren Zyrtare. Por raste të tilla kanë ndodhur edhe në vitin 2007.

E solla kete rast, pasi perkon bukur pikerisht me faktin tjeter, akoma me te rendesishem, per te cilin do te diskutojme sot, qe eshte vlefshmeria dhe rendesia e botimit te marreveshjeve nderkombetare.

E pra, te nderuar zonja e zoterinj, keto marreveshje ndërkombëtare te ratifikuara, behen pjese e brendshme e sistemit tone juridik, vetem pas botimit ne Fletoren Zyrtare.

Akoma me i ndjeshem dhe konkret behet problemi nen fokusin e konventave per te drejtat e femijeve, te kesaj shtrese qe edhe Avokati i Popullit, ashtu si te gjitha strukturat e shtetit dhe shoqeria shqiptare, mendon se i eshte borxhli, ne kuptimin se mund te kish bere me shume, kuptohet brenda mundesive juridiksionale, por sidoqofte, per mirefunksionimin e nenseksionit per te drejtat e femijeve te ngritur prane tij ketu e tre vjet me pare.

Nen kendveshtrimin e tij, Avokati i Popullit ka konstatuar që në vitin 2001 se ka mjaft Konventa dhe marreveshje te cilat jane ratifikuar qofte me dekret te Presidentit te Republikes, qofte me ligj te Parlamentit, qe nga viti 1992 e ketej, e megjithate, ne Fletoren Zyrtare nuk gjenden te botuara tekstet e tyre zyrtare. Çdo vit deri tani e kemi ngritur këtë çështje në Raportet tona vjetore, por s’ka gjetur zgjidhje të plotë. Por edhe Rekomandimi (2002) 13 i Komitetit të Ministrave të vendeve anëtare të Këshillit të Europës kërkon publikimin dhe shpërndarjen në shtetet anëtare të tekstit të Konventës Europiane për të drejtat e Njeriut dhe të jurisprudences së Gjykatës Europiane për të drejtat e Njeriut.

Lindin pyetjet: Po çfarë do t’ju kërkojmë organeve shtetërore kur këto akte nuk janë botuar zyrtarisht? Po gjykatat tona si do t’i kenë parasysh këto akte kur ato nuk janë botuar zyrtarisht?

Edhe sikur ky te ishte nje fakt i izoluar, kjo eshte nje emergjence para organeve perkatese qe nuk kane vepruar ne permbushje te detyrave te tyre. Sidoqofte, pasqyra e plotë e gjendjes ne te cilen ndodhemi do te jete objekt i diskutimeve qe do te mbahen ne aktivitetin e sotem.

Ajo per te cilen eshte ngritur dhe funksionon Avokati i Popullit eshte mbi te gjitha rritja e ndergjegjes ligjzbatuese ne vend, qe do te thote emancipim i mendesise europianiste te shtetareve dhe qytetareve shqiptare.

Ne kete kuptim, me lejoni t’i uroj pune te mbare kesaj audience te nderuar, duke kujtuar se çdo hap drejt integrimit, qofte permes nenshkrimit te MSA-se, qofte permes fteses per ne NATO, perpara se te jete vleresim, eshte sfide qe duhet perballur me dinjitet dhe integritet profesional nga te gjithe ne.

          Faleminderit.

AVOKATI I POPULLIT

Ermir DOBJANI